serincdandnêkî rexneyî le pertûkokey “nîgayek le êsta û xewnêk bo sbey”î merîwan wirya, aras fetah, bextyar ‘elî, rêbîn herdî…

Nûsînî: Hejên

beşî sêyem

metirsî qullî dunyay dway raperrîn lewedaye ke syasîyekanî kurd, betaybet ew nuxbeyey leserî serewey heremî syasîdaye, kêşekanî ew dunyaye nabînnû nanasn ke xoyan drustyankirdwe…., zmanêkyan nîye bo qsekirdin leser ew dunyayew dunyabînîyekîş şiknaben qullîy ew kêşane nîşanbdat l8

weha têgeyîştnêk, eger xoşbawerrkirdnî xellk nebêt, ewa tênegeyîştne le amanc û bnosî hellpey ramyaran bo geyîştin be desellat û beşdarbûn le kayekanî parleman. eger eme hewllêk nebêt bo gêrranewey xoşbawerrîy xellk be sîstemî nwênerayetî, ewa debêt bllêyn, heş beser ew ramyaraney kurd, ke em nûserane dekene rawêjkarî xoyan. min lewe dillnyam, çi amancdarane ya le rêy xudada bêt, nûseran xerîkî awdanî gyakelley aydyolocyay nasîwnalîstîn, aydyolocyayek, ke herdem dexwazêt qewareyek le berjewendî hawbeş û yeksan û teba û hawixwênî takekanî komellêkî hawizman ya hawcugrafya le xoşbawerrîy û destemoyî xellkda çê bkat û lewêşewe her kat xellk narrezay bû, nadadwerîyekanî sîstemî dewlletîy û fermanrrewayî bo nezanî û gemjeyî serkirdekan bgêrrêtewe û le xulêkî hellbijradin û serokayetîyewe bo xulêkî tir xellk çawerrwan rabgrêt.

nûseran, ke le nêwendî roşinbîrîda wek sertopî huşyarîy û danişmendan qse deken, keçî lem serdemey şorrşî zanyarîyekanda, hawkat dewêrn qse lewe bken, ke ramyaranî wllatekeyan, kêşekan nabînin! min nazanim le kwêy dunyada kêşey bê djebzav heye û le kwêda bzavî berhellistkar heye û serwer naybînêt û naynasêt? to bllêy serweranî kurdistan le xorrayî ew hemuwe leşkir û polîs û dezge sîxurî û tîroristane drust bken? bllêy ewane prrojey çakexwazî bin û bo begerrxistnî bêkaranî kurdistan drustyan kirdbin? seyr lewedaye kesêk xoy be huşyar bzanêt û bwêrêt bllêt ramyaranî kurdistan zmanêkyan bo qsekirdin nîye. ey ew hemuwe le sêdaredan û zîndanîkirdin û tîror û rawnane çîye, meger ewe zmanî serweran nîye, ke boyan bilwêt bekarî deben û her katêkîş boyan nelwêt roşinbîranî frîwder le brî ew dezgane dexene gerr?

le hemûy seyirtir eweye qse le serweranî komellgeyek bkey, ke18 salle terratên deken û cîhanî sermayedarî le nawçekeda be pêşrrewî dêmokrasîyan dadenêt, keçî to bêyt û bllêt cîhanbînyan nîye! dekrêt komllêk çete û rêgir hebin û heryekeyan bkutête ser dêhatêk û bllêy cêhanbînî nîye, bellam fermanrrewayyekî herêmî, ke cêy umîdî bazarazad û nyolîbralîzm bêt û bllîy cîhanbînî nîye, emeyan awez pesendî nakat. aya dekrêt nûseran pêman bllên, cîhanbînî çîye, çi cadûyeke, ke ême (xwêner) û serweranîş nayzanîn û lêy tênageyn?

gemekirdnêkî wa be awez û arezuwekanî takî komellge, ştêkî taze nîye, lewetey dewllete borcwazîye benaw neteweyyekan pêkhatûn û sîstemî nwênerayetî serapagîr buwe, weha pagendegelêk berdewam lelayen nûseranî desellatixwazewe berdewam perey pêdedrêt, gemeyek ke amancî ragirtnî nahuşyarîy tak û manewey serwere le berdewamîyekî nebirrwaweda.

syasîyekanî kurd le dway raperrînewe, rêk wek syasî naw sîstme here qeyranawîyekanî dunya, le batî derkkirdin be metirsîyekan, sergermî jmardnû ezberkirdnû baskirdnî ew şte bçûkanen ke wek deskewtû încazat dyannasênin. l8

em destewajeye bew serencameman degeyênêt, ke nûseran derkyan le serwerî û rollî ramyaran roşn nîye û pêyanwaye desellatdaranî kurd, detwanin pêçewaney sîsteme çînayetîyekeyan, djî berjewendî giştîy sermayedarî û pêçewaney aydyolocyay nasîwnalîzm û desellatixwazî bcûllênewe. îtir eme karesate, ke weha çawerrwanîyekt hebêt û pêtwabêt le cîhanî sermayedarîda sîstemî bêqeyran heye û dewlletêk ya fermanirrwayek heye, ke bitwanêt xoy le qeyranekanî sîstemeke, le şêwazî karkird û berrêweberayetî bazarrazad û nîolîbralîzm dabrraw bkat. ewan hêşta lewe negeyiştûn, ke dewlletî nasîwnalîstî dabrraw le qîbley sermaydarî, dîktatorî wek çavêz û kastro û ehmedî nejad drustdekat û le baştrîn barda fermanrrewayî borcwazî piştbestû be bernamerrêjî nasîwnallî, wate dîktatorî takpartî û le beramberda fermanrrewayî borcwazî piştbestû be rewtî nîolîbralîzm, dekate ewey le kurdistanda heye. ewa eweyan lebîrçuwe ya derkî naken, ke abûrî naserbexo, qewarey naserbexo dexwazêt û ewî wajoyekî xiste ser rêkkewtinnameyekî sinduqî drawî nêwdewletî û bankî cîhanî û împiryalîzmî emerîkî, bêçenduçûn debêt dergey parlemanekey wek dergey (xan) bo ramyarîyekanî nîolîbralîzm awella bêt!

lêreda dîsanewe naçarm biprismewe, eger desellatdaranî kurdistan ew karane neken, edî çon xellkyan pêrradegîrêt û çî bken; bllên xellkîne ême stemkarî êweyn, ême komelêk mşexor û xwênimjî êweyn û leser textî nahuşyarî êwe fermanrrewayî dekeyn?! aya perdeladan leser ew rastîyane, erkî nûseranî azadîxwaze ya deselatdaran?

herweha ew metirsîyane kamanen, ke nûseran le tirsî rûdanyan mamexemeyî bo serwerî borcwazî kurd deken? wek lem peywendeda dyare, mebestî nûseran dewlletanî nawçeke û zilhêzekan nîn, çunke desellatî borcwazî kurd le nawçekeda brabçûk û tewawgerî ew hêzanen. edî metirsîyekanî sîsteme qeyranawîyekanî çîn û le kwêwe serhelldeden?

ewey ême lêreda deyllêynû deynusîn hewilldanêke boderçûn lem bêzmanîû bêwêneyîû bêcîhanbînîye l8

eger destewajekanî pêşû û emaney êsta leyek bdeyn, tenya xemxorî roşinbîranî wirdeborcwa bo desellatdaran derdekewêt, ke letaw serhelldan û hêzgirtnî bzave komellayetîye narrazîyekan herasan bûn û xemî nemanî naneçewrey sayey deselatdaranyan lênîştuwe. eweta bezmanî xoyan dellên desellatdaran û ramyaran le bêzmanî qutar dekeyn û cîhanbînîyan bo daderrêjîn. herçende erkî yekemyan lecêy xoydaye, bellam erkî duwemyan xoxelletandne ya frîwdanî xwênere, wek pêştir roşnayîm xisteser.

lêreda destî nûseran ke sereta wek xemxorî zorîne û netewe û tak xoyan denasênin, derdekewêt û hemû xem û tirsyan leweda çirr dekenewe, ke zordaranî êsta le qeyran û têkişkan rizgar bken. eme rêk pêçewanewey erkî nûserî azadîxwazeye, ke pêwîste hemû twanayyekanî bo huşyarbûnewey tak û şkandnewey terazûy hîz belay azadî û serbexoyî takkda bxate gerr.

raşman wayewek komelêk roşinbîrî bêlayen ke leseretay raperrînewe le ser em kêşane dwawîn, dûr le her gyanêkî taqimgeraw hîzbgera, erkêkî exlaqîû mêjûîy êmew roşinbîranî dîkeşe le pênasekirdnî em qeyranew le nawnanû pişknînîda beşdarbîn. l8

eger lem destewajane wirdbînewe, ewa be asanî detwanîn şêwenî herîseke bbînîn. raste ewan le paş raperrînewe le (fermandeyekî serbazî) baştir berjewendî giştî borcwazî kurdyan dîwe, eme nkolî lênakrêt û ewan herdem xwazyarî yekgirtnewey fermandekanî şerrî nawxo bûn, le çonîyetî fermanrrewayî (fermanbeserdakrawan)da. ewan hemîşe be zmanî borcwazî neteweyî dwawn û sengergirtnîşyan lew rwange û amancewe buwe. ewan le brî awdîwî kargekan û sedekan, xwazyarî destbeserdagirtinyan bûn wek kollekey jêrxanî abûrîy sîstemî borcwazî, bellam ewey derkyan nebuwe ya nebuwete hoy cyawazî têrrwanînan letek awdîgeranî karxanekan, yek şte, ewîş nebûnî derkî roşnyan buwe le rollî dewllete nawçeyyekan begiştî le sîstemî sermayedarî yek blokda, ke tenya rollî komellêk fermanberî naleşkrîye û ew komellgeyeş, ke pasewanî deken, tenya detwanin saxkerewey kallay kompanîye cîhanluşekan û dabîngerî kerestey xaw bo ew kompanyane bin. bem core debînîn, sertîpêkî awdîwgerî kargeyek ya bendawêk derkî le derkî em berrêzane cîhanîtir buwe û zanîwyetî ke kurdistan le sayey împiryalîzm û bazarazadda dellallxaneye nek komellgey berhemhên û birryarder!

paşan plewpaye bexşênewe û dagîrkirdnî ple û xonawnûskirdin bo rîzî yekemî derbazgeranî keştîyekey nuh (desellatî borcwazî), dîsanewe hawtay pagendekanî desellate, ke bexellk dellêt, kanîyekman helldawetewe û dek mnet btangrêt, egîna (rwanînî ême …. û beşdarîn….. ) çi cyawazîyekî letek beşdawakirdnekey newşîrwan mustefa û hewallî qîrtawkirdnî cade û helldanewey laperrey şewe naşorrişgêrrîyekanî înk û pidk û ewanîçîye?

paşan nûseran nek tenya xoyan be pêşrrewî desellat dezanin, bellku xoşyan lewane cyadekenewe ke be “roşinbîr”yan naw deben. egîna “erkêkî exlaqîû mêjûîy êmew roşinbîranî dîkeşe” çî degeyênêt? eger ewanîş wek ewanî dîke roşbîrn û payeyekî asayî ew roşinbîraney dîke be xoyan deden, boç xoyan cyadekenewe? “roşinbîran”î dîke kên, boç le derewey kayekey emanin û cyawazîyan çîye?

be pêçewaney pagendey na destegerbûn, ke nûseran deyken. katêk ke le derewey ewan “roşinbîran”î dîke hebin, kewate emanî destpêger, daxraw û destegerbûn, boye be naçarî le derewey eman “roşinbîran” dîke hen ya kobûnewetewe!

katêk ke “roşinbîran” leser bnemay destebjêrîy le komellgeda berterîyan pêdedrêt, aya take “roşinbîr”ekayş wek takî netewe û twêj û çînekanî tir, hawberjewendîy û hawxemîy û hawerkîy û hawamancîyan heye? eger heye, bo nûseran xoyan cya dekenewe? eger nîye, kewate ştêk leyek cyayan dekatewe. ey ew şte çîye? ser be partbûn, ser be çîn û twêjî komelayetîbûn, hebûnî têrrwanînî cyawaz bo gorrînî dunyay naazad û nayeksan û nadadwer? eger yekêk lemane bêt, ey eme bellgey bûnî çîn û twêjî berjewendî nakok lenaw komellda nîye? eger eweye, edî pagendey hawberjewendîy neteweyî lepay çîye?

pêşman waye beşêkî here gringî qeyranî syasî le kurdistanda degerêtewe bo ew çareserîye nîwenaçllane ke le têgeyiştnî nîwenaçllî kêşekanewe hatûn. syasîyekanî kurd be tenya natwanin qûllîyû frawanîyû gewreyî qeyraneke bbînin, leberewe naştwanin betenya çareserîbken. l8

eger serincî em beşe bdeyn, debînîn, ke nûseran daway beşdarbûn le birryardan û desellatda deken û dellên ramyaranî kurd tenya natwanin grift û kêşekan çareserî yekcarekî bken. paşan drêje be narroşnî drustkirdin le rollî ramkaranda deden û deyanewêt beagayan bhênnewe ya mangirtne xeyallîyekeyan pêbişkênin.

lêreda ewe bo min pirsyare; ew nûseraney ke em nûserane mebestyanin, kamanen, ke tewawkarîy desellat deken û karyan le karî xudî eman cyawaztre? herweha ew cyawazîye kameye û taçende nawerrokîye?

be birrway min, cyawazî tenya le rwalletdaye, ke nûseranî fermî desellat, kar bo xoşbawerrkirdnî xellk be desellatdaranî înk ya înk + pidk deken û em nuseraneş kar bo hemîşeyîkirdnî serwerî çînayetî înk û pidk û nemirkirdnî sermayedarî deken! le kotayî em derbrrîneda dêne ser dyarîkirdnî ewanîtir, ke pêwîste le birryardan û çareserkirdinda rollyan hebêt, ke her dekatewe xudî xoyan û dîsanewe şîwenî herîsekeye.