nûsînî: danyêl grîn

û. le ‘erebîyewe:* selam ‘arf

şorrşî ayarî1968 raperrîn û lêdanêkî ramallêner bû, ke gencan berpayan kird, xwêndkare gencekan tenha nebûn, bellku le kargekan û sendîkakanewe xellkî be hanayanewe çûbûn û letekyanda beşdaryan kirdbû, dîktatorî rîşispyekanîş; wate: xobemamostayan, xawenkaran, sendîkalîste urostokratekan, le hemû layekewe, be hemû hêzyanewe ew şorrşeyan daye ber neşterî rexne û djayetyan dekird. ew rexne û djayetîkirdne le hîçî xorrayî nebû, leber ewe bû, ke ew teqînewe çawerrwannekrawe wek hewregirmeyek ew dîktatoryey hênaye lerzîn û petayekî rûxênerî azadîxwazane bû djî ewan.

ew şorrşe sereta be rexnegirtin destî pêkird, nek her djî komellî borijwazî, bellku djî komunîzmî dway (stalînîzm)îş. ew rexnegirtne sall dway sall lenaw keşî zankokandaqûlltir debuwewe, (barudoxqozerewekan situationniste) ke komelleyekî yan çend komelleyekî şorrişgêrrî xwêndkaran bûn, (çeprrew) û azadîxwaz bûn, karîgerîyekî zoryan leser bîruray baw hebû, zyatir be bîrurakanî markis û bakonîn piştestûrbûn, lenaw ew komellaneda, mawîstekan, cîvarayîstekan, lênînîstekanîş hebûn, çekî destî ewane be şêweyekî giştî karî rastewxo û hellsukewtî danpêdanenraw bû, wek dagîrkirdnî şwênî karekan, sillnekirdnewe le bekarhênanî tundutîjîy şorrişgêrrî djî tundutîjîy hêzekanî dapllosîn, çawixşandnewe be hemû ştekanda bo nmûne, bîrura pêştir amadekrawekan, herweha çawixşanewe û beserkirdnewey hemû pêkhatekan ke hebûn, letek ewaneşda hemû monologêkî mamostayane û serwerîxwazaneyan retdekirdewe, cge lewe snûrêkîş bo (xobadan û şêtîy xobemezinzanî) danrabû, bo mawey çend hewteyek ezmûnêkî geşedar le bwarî (dîmukratî rastewxo) damezênra û giftugoy fredeng û peywendîkirdnî nêwan xellk pereyan send.

le danîştnekan û beyekgeyiştnekanda ke le jmardin nedehatin, şorrş be aşkra le gozey azadî xwardewe, hemuwan bebê hîç helumercêk bîrurakanî xoyan le gorrepane giştîyekanda derdebrrî, ke bûbûne hollî xwêndnî zankokan, hatuço westênrabû, şostekan bûbûn be cêgey daniştin û qsewbasî xellk, xellk be qûllî û be aşkra basî sitratîcî cengî cadekanyan dekird, gorrepan û rarrewekan û ballexanekanî zankoy (sorbon) bûbûne pêgey şorrişgêrran, hemû kes û arrastekan hatuçoyan tyada dekirdin, hemuwan bîrubawerr û bllawkrawekanî xoyan bllawdekirdewe, bebê hîç berbestêk leser sekokanewe qsewbasekanî xoyan dekird.

keşî ew azadîye sendrawe, buwe hoy ewe azadîxwazekan le qawxekey caranî xoyan bênederewe û hawşanî marksîste şorrişgêrrekan decengan, wazyan le eqillyetî dujminkarî û berberekanêy yektir hênabû, cyawazîyekanî caranyan wela nabû, her hîç nebêt lew qonaxe şorrişgêrrîyeda, çunkî hemû ştekan djî dujimnî hawbeş, milkeçî hawşanî brayane bûn, allay reş û allay sûr dûr le gyanî hewilldan bo dagîrkirdnî rîzî pêşewe, le tek yektirda hellgîrabûn.

nefret le hemû desellatêk krabû, desellat krabuwe galltecarr, desellatî koşkî elîze û şar dîgol krabûne efsaneyekî karîkatorî sûkikraw, be heman destûr destharrî çenebazîy perrleman (perlemanî ferensî) qêzewn û sûk krabû.

drêjtrîn rêpêwanî xwêndkaran, parîsî brrî û be topzî be berdem koşkî (borbon) perlemanî ferensada, têperrî û kesêk nebû awrêkî lê bdatewe, wek derbrrînêk ke bûnî lay kes gringî nîye û nefretkraw û qêzewne.

ew çend hewteyey ayarî 1968 le kolêj û kargekanda derbrrînêkî efsunawî (al’bare shirye) hatbuwe gorrê, beser zmanî hemû kesêkewe bû, bûbuwe babetî qsewbas û giftugoyekî berifrawan, zorcar ravekirdnekan û şîkirdnewekan qûll û zanistîyane bûn, carcareş be pêçewanewe sadeyî û hellçûnyan pêwe dyar bû. ew zarawe taze û cadûyye (xoberrêwebirdin) bû, giftugo derbarey hatbuwe naw nawanewe û bas le nmûney herewezî û harîkarîyekanî sallî 1936î îspanya dekra, êwaran kargeran bo wergirtnî zanyarî derbarey ew çaresere nwêyyey pirse komellayetîyekan berew zankoy (sorbon) berrêdekewtin, katêkîş bo şwênî karekan degerranewe, le dewrî amêre westênrawekan bas her basî ew zarawe nwêye bû. raperrînî ayarî 1968 peyrewî xoberrêwebirdnî nekird, leser lêwarî ya leser despêkî gwastnewe bo kirdeyîkirdnewey ketwarî, ya baştir bêjîn leser lêwarekey westa û neçuwe nawyewe, bellam letek hemû rexnekanî rexnegrekanîda, xoberrêwebirdin le hoşmendîy xellkda cêgey xoy kirdewe û regî xoy dakuta. carêkî tir, dreng ya zû, le dayk debêtewe.

* em wergêrane letek deqe ferensîyekeyda berawird krawe.

em babete be nawî (paşko) le pertûkî (enarkîzm le tîorîyewe bo praktîk – althirrye min al’qîde alî alimmarse, tircme: corc s’di )we wergêrrdrawe.