گەنچلک: جوانان پۆلیسان نەخستن ‘ئەسەنتەپەیا خوەسەر’

جوما، ٠٦ ئاğئوستۆس ٢٠١٠ ١٨:٤٠
و. تارافندان یازلد.

جۆلەمێرگ – دوھ ب شەڤ ل ناڤچەیا ئەسەنتەپە یا گەڤەرێ، د ناڤبەرا ھێزێن دەولەتێ و جوانان دە پەڤچوون دەرکەت. د بویەرا کو ب دەمژمێران دۆماندی دە، جوانان دەستوور نەدان پۆلیس تێکەڤن تاخێ.

جوانێن کو راگھاندین ل تاخا ئەسەنتەپەیا گەڤەرێ “خوەسەری” بەیان کرینە و “خەتێن سۆر” پێک ئانینە، دوھ ب شەڤ ژی ب پۆلیسان رە شەر کرن.

شەڤێ دن د دەمژمێر ٢١.٠٠’ئان دە د ناڤبەرا جوانێن روویێ وان پێچایین و پۆلیسان دە پەڤچوون دەرکەت. ل سەر پەڤچوونێ جوانان رێیا گەڤەر-وان ژ ترافیکێرە گرتن. جوانێن کو تمی درووشمێن “بژی سەرۆک ئاپۆ”، “پکک گەل ئە، گەل ل ڤرە” و “شەھید نامرن” د ئاڤێتن، راستی موداخەلایا پۆلیسان یا ب پانزەر و وەساییتێن ئاکرەپ ھاتن.

جوانان ب کەڤر و مۆلۆتۆفان بەرسڤا پۆلیسێن کو چەک ب کار ئانین دا. پەڤچوونا کو ھەیا دەمژمێر ٠١.٠٠’ئان دۆم کری دە جوانان دەستوور نەدان ھێزێن ئەولەکاریێ بکەڤن تاخێ و ھێزێن ئەولەکاریێ ناچار مان خوە شووندە ڤەکشن. د پەڤچوونێن دەرکەتی دە ٣ جوان بریندار بوون. ھات دیتن کو جوانێن بریندار ژ ئالیێ ھەڤالێن وان ڤە ھاتن دەرمانکرن.

سەرچاوەی هەواڵ :

http://www.internationala.org/index.php/languages/kurdi/982-genclik-ciwanan-polisan-nexistin-esentepeya-xweser-.html

COLEMÊRG – Duh bi şev li navçeya Esentepe ya Geverê, di navbera hêzên dewletê û ciwanan de pevçûn derket. Di buyera ku bi demjimêran domandî de, ciwanan destûr nedan polîs têkevin taxê.

Ciwanên ku ragihandîn li taxa Esentepeya Geverê “Xweserî” beyan kirîne û “xetên sor” pêk anîne, duh bi şev jî bi polîsan re şer kirin.

Şevê din di demjimêr 21.00’an de di navbera ciwanên rûyê wan pêçayîn û polîsan de pevçûn derket. Li ser pevçûnê ciwanan rêya Gever-Wan ji trafîkêre girtin. Ciwanên ku timî dirûşmên “Bijî Serok Apo”, “PKK gel e, gel li vire” û “Şehîd Namirin” di avêtin, rastî mudaxelaya polîsan ya bi panzer û wesayîtên akrep hatin.

Ciwanan bi kevir û molotofan bersiva polîsên ku çek bi kar anîn da. Pevçûna ku heya demjimêr 01.00’an dom kirî de ciwanan destûr nedan hêzên ewlekariyê bikevin taxê û hêzên ewlekariyê naçar man xwe şûnde vekişin. Di pevçûnên derketî de 3 ciwan birîndar bûn. Hat dîtin ku ciwanên birîndar ji aliyê hevalên wan ve hatin dermankirin.

ANF NEWS AGENCY