ferensa, xebatî çînayetî berdewame*

selam ‘arf

 

* drêjkirdnewey temenî xanenşînî le60 sallewe bo 62 sall …

* çawixşandnewe be 35 katijmêrî karkirdnî hewtane …

* pîskeyîkirdin û teskkirdnewey bwarî xizmetguzarîy tendrustî …

* destkarîkirdnî yasay kar û bêkarî …

* kemkirdnewey jmarey mangekanî manganey bêkarî…

lew katewe ke dewllet ew bware komellayetyaney kirdote nîşane û gerekyetî be corêk byanxemllênêt pareyekî zoryan lê gilbdatewe ta dwatir be karî bhênêt bo:

– yarmetîdanî bankekan …

– handan û behêzkirdnî çeksazî û mîlîtarîzm …

– bexêwkirdin û qebetirkirdnî amêrî berrêwebirdnî bîrokratî …

lew katewe cemawerî beşmeynet hêndey tir grrî têberbuwe û aramî le ber hellgîrawe û hurûjawe û mangirtnekan kargekanyan pekxistuwe û tînî xopîşandanekan, roj dway roj, betîntir debêt û berî frawantir debêt û pol pol be hurjim xellkî têkellî xopîşanderan debin. xopîşandanekan lewe derçûn ke tenha her xopîşandanî krêkaran bin, bûnete xopîşandanî giştîy xellk. ewey desellat pêşbînî nekirdbû ewe bû ke fermanberan bew core bçin be pîrî xopîşanderanewe û le %71î ew xellkey mangirtû nîye piştgîrî mangirtuwekan û xopêşanderan deken, hewallî mangirtneke dinyay tenîwwe ta ew radeye mîdyay borijwazî natwanêt wek xoy basî nekat.

ew mangirtin û xopîşandanane ta satekanî nûsînî em dêrrane 19î oktober cme û zirmeyan dêt. emrro le 269cêgey cyawaz xopîşandan buwe, sê milwên û pênc sed hezar kes beşdarî mangirtnekan û xopîşandanekanyan kirduwe. berey mlimlanê û xebatî çînayetî cmey dêt û şerr germe le hemû qollêkewe û hizbe syasîyekanîş serqallî dinya giçkekey xoyanin û le miştumrrî ewedan kê bikrête kandîday hellbjardnekanî serkomarî dahatû, carcarîş be xemzey çaw awrêk le killpey ew agre dedenewe û le dwaşîkirdneweyanda xetake dekene xetay tenha yek kes, weku ew barudoxe hîç peywendîyekî nebêt be sruştî sîstme komellayetî û abûryekewe!!

dûr nîye kesêk hewallî sendîka mlîwanispîyekan bpirsêt lem hera û cencalleda!

raste eger bllêm ke sendîkakan pşîpşîkern bo xawenkaran û dewllet, bellam hemûman dezanîn ke ferense volkanêkî sist û xewtû nîye, hellçûn û teqînewe wek zor babet û meseley tir le dêrzemanewe bote beşêk le kîwtuym -coutume- ca hellçûn û teqînewey xoxoyî beşêkî gewrey ew kîwtumeye, teqînewe û hellçûnî emcareş weku carekanî tir xoxoyye û le dahênan û destpêşxerî cemawer xoyetî. wate, birryar birryarî xwareweye bo serewe, sereweş naçare mlî rê bigrêt, be watayekî tir, demêke katî paşkoyîy kwêrane beserçuwe, serwerîçêtî û pêşrrewîçêtî bawî nemawe, praktîzekirdnî legell zemenî beserçûda ewîş beserçuwe û demêke xebatgêrrî bote xebatî le xwarewe bo serewe.

êste katî ewe hatuwe bpirsîn: aya syasetmedare plewpaye berzekanî dewllet hênde gelhon û dewayekyan pê nîye bo em derd û bellaye ke berew rûy bûnetewe?

nexêr gelho nîn ew deway derdeyan pêye û xerîkî bekarhênanîn le yekem rojewe! dey kewate kameye?

* dewllet le bwarî mangirtin wxopîşandan şkandinda babe’emreye wxawen ezmûnêkî gewreye, yekem hengawî bo serkewtin xistnegerrî syasetî

(cyawazîdrustkirdin beferre) çon?

be daxewe rastîyek heye hendêk nayzanin,ewîş eweye ferensa wek hemû wllate pîşesazîyekanî tir katî herzanbûnî newt debête kirryar û katî granbûnîşî debête froşyar, wate dewllet qaçaxçî û cambaze, dewlletî ferensî xawenî hezaran milyar lîtir benzîn û gazwaylî xewtuwe, emrro ke 12 pallawgey zebelahî pitroll dagîrkrawn, krêkaran nahêlln dllopêk şle bçête naw ew pallawganewe û dllopêkîş şle bête derewe, bem core 4000 benzînxane benzînyan têda nîye û xellkî ‘ewdallî sûtemenîye, keçî dewllet dllopêk le benzîn û gazwaylekey xoy nafroşêt, tenha leber ewey mannegirtuwan bkat be gjî mangirtuwanda û rûreşyan bkat, legell eweşda dewllet her naumêde, çunke bekarhêneran piştî mangirtuwan naden le erz û dellên mangirtuwan mafî xoyane û leser heqin, bew core dewllet syasetekey birr nakat û naxwat, lay xellkî piştî mangirtuwan degrin û piştyan kirdote dewllet. be kurdî û be kurtî, mlimlanê û xebatkirdin germ û berdewame û dewlletîş naumêd û lewe naçêt kesî bo bikrê be gjî kesda. ew naumêdî û herasbûney dewllet le rûxsar û qsekanî serokî dewlletda -nîkola sarkozî-da be başî dyar bû. ew dwênê şew le telefzêon wtî: “min le xem û dllerrawkêy xellkî degem û mafî reway xoyane man bigrin, bellam mafî eweyan nîye xellkî mehrum bken le benzîn û gazwayl û rêgegiryan bin nehêlln bçin bo kar, ême rêge nadeyn leme zyatir bxayenêt.” dyare ke qsekanî bonî şerr û xwênyan lê dêt, êste bas le nexşewplanî bekarhênanî hêzî cendirme dekrêt bo azadkirdnî!! pallawgekan (xerîkî em nûsîne bûm hewallm bîst ke hêzî cendirmeyan narduwe bo ew mebeste û şerrî destewyexey lê kewtotewe.)

** her bo ew mebeste, wate praktîzekirdnî syasetî (cyawazîdrustkirdin beferre) dewllet kartêkî trî pêye û yarî pê dekat, caran wa baw bû ke le katî xopîşandanekanda polîs xoy ya kesanî bekrêgîrawî xoy be kar dehêna bo karî gêreşêwênî û ajawenanewe, şityan deşkand û desûtandu dedzî bo sûkirdnî mangirtuwan û xopîşanderan, bellam êste polîs dezanê ew şêwazî rûreşkirdne aşkra buwe, ew erkey leser şanî xoy labirduwe, be şêwazêkî tir encamî dedat. çon?

şarawe nîye ke katêk mangirtnekan û xopîşandanekan berifrawan û behêz û radîkaltir debin û jmarekanî xopîşanderan debne hezaran û milyon, hendêk grûp û korr û komellî tir derrjêne naw xopîşandanekanewe, ew twêjane be giştî herzekar û hestyar û nefeskurt û kemcîqllanen, hellçûn û teqîneweyan asane û amanî nîye, polîs hoşmende bewe û hemû şêwazêkî drrindane be kar dehênêt bo wrûjandin û rakêşanî ew twêje bo encamdanî karî nabecê; sûtandin, şkandin, tallanî…tad, dwatir zurnay desellat; mîdya, dekewête kar bo sûkkirdin û rûreşkirdnî mangirtuwan û drustkirdnî dûberekî lenawyanda, ewete êste be çawî xoman le parîs, lyon, tuluz, marsay..tad ew dyardeye debînîn û mîdyaş hezar barey dekatewe.

*** syasetmedaranî dewllet xoyan dabeşkirduwe û eweşyan kirduwe be beşêk le frrufêllî pûçellkirdnewey mangirtneke, bereyekyan dellêt debêt tund dest bgîrêt bew rîformewe û be heman zexmîş rêform berdewam bêt le bware komellayetîyekanî tirda, berekey tiryan dellêt detwanrêt çaw bixşênrêtewe be hendêk layenî em rîformeda û giftugoy zyatrî leser bikrêt legell sendîkakanda, herweha dellêt debêt rîform berdewam bêt le bware komellayetîyekanî tirda, bellam merc nîye be heman zexim bêt.

le êsteda ewey min deybînim le planî dewlletda bo ewey bitwanêt ew mangirtin û xopîşandane xefe bkat, kurd watenî awêk bkat bew agreda, ewanen. dûr nîye ştî trîş hebêt min eqllim neybrrîbêt, ewey pêwîste bûtrêt eweye eger ew plane nebuwe aw û ew agrey nekujandewe, ewa locîkî parastin û rêzgirtin le heybetî dewllet û ple komellayetîyekan le weşandnî gurzî cergbirr zyatir hîçî tir ferz nakat.

* ew çend dêrrem be topzî nawnawe (ferensa xebatî çînayetî berdewame) çunke syasetmedaran serî zmanyan û bnî zmanyan buwe bewe û dellên ew dyardeye qeyranêkî komellayetî nîye û hîç frrêkî nîye be mlimlanê û xebatî çînayetyewe, tenha çend rûdawêkî gêreşêwênanen û çon hatûn awaş erron. min beş be hallî xom eger lêm biprisn xebatî çînayetî çîye? bebê hîç rarrayyek dellêm: “a emeye ke tyayda dejîn.”