زاهیر باهیر له‌نده‌ن

8ی ئایاری .2010

سه‌رۆكشالیارانی یۆنان، جۆرج پاپه‌ ئه‌ندرو، ‌سه‌باره‌ت به‌و قه‌یرانه‌ ئابوورییه‌ی كه‌ ئێستا وڵاته‌كه‌ی پێیدا ده‌ڕوات، ڕۆژی یه‌كشه‌مه‌، 02.05.2010 له‌سه‌ر شاشه‌ی ته‌له‌فزیۆن له‌ كۆبونه‌وه‌یه‌ی كتوپڕی چاوه‌ڕوان نه‌كراودا به‌ ئه‌نجومه‌نی شالیارانی وت “ئه‌ڵته‌رناتیڤه‌كه‌ كاره‌سات و ئازارێكی گه‌وره‌یه‌. بارودۆخی ئاڵۆزی ئابووریی ناچاری كردووین، كه‌ بڕیارێكی گه‌لێك قورس بده‌ین….. . ئه‌مه‌ش ته‌نیا ڕێگه‌یه‌كه‌ كه‌ بتوانین ئیداره‌ی ئه‌و‌ 300 ملیارد یۆرۆ (261 ملیارد پاوه‌ند) قه‌رزه‌ی كه‌ له‌سه‌رمانه‌، بده‌ین. ئه‌م قوربانیدانه‌ هه‌ناسه‌یه‌كمان پیاده‌هێنێته‌وه‌ و پشویه‌كه‌ بۆ كردنی چه‌ند گۆڕانكاریه‌كی گه‌وره‌. ده‌مه‌وێت زۆر به‌ ڕووڕاستییه‌وه‌ به‌خه‌ڵكی یۆنان بڵێم، ئێمه‌ له‌سه‌ر ڕێگه‌ی تاقیكردنه‌وه‌یه‌كی گه‌وره‌داین……. خۆپاراستن له‌ ما‌یه‌پوچی (ئیفلاسیه‌ت) هێڵی سوری نه‌ته‌وه‌ییه‌….. ده‌مه‌وێت به‌بێ پێچ‌وپه‌نا ئه‌مه‌ به‌ هه‌موووان بڵێم . هه‌مووو شتێكم كردوه‌ و هه‌مووو شتێكیش ده‌كه‌م تاكو وڵات ما‌یه‌پوچ نه‌بێت. له‌ كۆتایی چوار ساڵی سه‌ركارمدا یۆنان مایه‌پوچ نه‌بێت، به‌ڵكو نوێ ببێته‌وه‌“

Continue reading ئایا یۆنان له‌ دووڕیانی داڕوخان و ژیانه‌وه‌دایه‌ ؟ →

ئه‌مڕۆ له‌ کاتێکدا که‌ له‌ ئه‌وروپا ڕۆژی دایك بوو و دایکان چاوه‌ڕێی چه‌پکه‌گوڵ و کارتی پڕ خۆشی و سۆزبوون، هه‌واڵێکی خنکێنه‌ر، هه‌واڵێکی پڕ تاسه‌ و په‌ژاره‌ له‌ زیندانی (ئه‌و‌ین)ه‌وه‌ بۆ دایکی فه‌رزاد، بۆ قوتابییه‌کانی فه‌رزاد، بۆ هاوڕێ و هاوه‌ڵ  و هاوکاره‌کانی فه‌رزاد به‌ڕێ ده‌کرێ و په‌یامی مه‌رگی به‌رده‌وامی فه‌رزاده‌کان له‌ سایه‌ی ده‌وڵه‌تی خوا، خواکانی سه‌رزه‌وی به‌ گوێی شار و گونده‌کانی ڕۆژهه‌ڵاتی ناوه‌ڕاستدا ده‌دا.

[youtube=http://www.youtube.com/watch?v=l64RcmwQG8E]

[youtube=http://www.youtube.com/watch?v=s6GIgim1YEs]

[youtube=http://www.youtube.com/watch?v=x7HkkpzBHSQ]

ئه‌گه‌ر دژی کوشتن و له‌سێداره‌دانی، ئه‌گه‌ر دژی زیندان و ئه‌شکه‌نجه‌دانی، ئه‌گه‌ر دژی چه‌وسانه‌وه‌ی مرۆڤ و خوازیاری ئازادی، یه‌کسانی و دادپه‌وه‌ری کۆمه‌ڵایه‌تیت له‌ کۆمه‌ڵگه‌یه‌کی ناچینایه‌تیدا، ده‌ی وه‌ره‌ به‌ ڕیزی نارازییانه‌وه‌ په‌یوه‌ست به‌ و ببزوێ تا شتیك له‌ته‌ك تۆدا بکه‌وته‌ بزوان.

( ئه‌م هۆنراوه‌یه‌م پێشکه‌شه‌ به‌ مه‌رگی هاوڕێم سۆرانی مامه‌ حه‌مه‌ و  هاوڕێ

سه‌رده‌شت عوسمان که‌ له‌ پێناو خۆشبه‌ختی ئێمه‌دا گیانی خۆیان به‌خت کرد )

ده‌ ده‌ی بنو هاوڕێم بنو

جه‌لاده‌کانی ئه‌م وڵاته‌

به‌ قینن له‌ هاواری تۆ،

ئه‌مشه‌و خه‌ونم پێوه‌ بینیت

پێت ده‌وتم، به‌ جه‌سته‌ی خوێناویته‌وه‌

له‌ بۆ ژیان له‌م دونیا پڕ له‌ ئازار و له‌ سته‌مه‌

دیسانه‌وه‌ ده‌گه‌ڕێیته‌وه‌؟!

هاوڕێم بنو .. ده‌ بسره‌وه‌!

زوحاکه‌کانی ئه‌م وڵاته‌

له‌ ڕوناکی چاوه‌کانت توڕه‌ده‌بن!.

لێره‌ ساڵ دوازه‌ی مانگ شه‌وه،‌

داوێن برسی نێو کۆشکه‌کان

نایانه‌وێت ئێمه‌ بیانناسینه‌وه‌

ئه‌و ساتانه‌ی بۆ له‌تێک نان

سینه‌ و مه‌مکی خوشک و دایکمان ده‌لێسنه‌وه‌! Continue reading ترسی دز له‌ هاواری خاوه‌نماڵ →

داستانی یه‌کی ئایار و کوشتوبڕی مانگرتنی کرێکارانی شیکاگۆ له‌ 1886دا

به‌شی یه‌که‌م

[youtube=http://www.youtube.com/watch?v=_OQxncb2ihQ]

به‌شی دووه‌م

[youtube=http://www.youtube.com/watch?v=8w-z8ud_9QU]

به‌شی سێیه‌م

[youtube=http://www.youtube.com/watch?v=VKkEl9XzjFc]

تاریخچه‌ی اول ماه‌ مه‌

[youtube=http://www.youtube.com/watch?v=SF-ADtNerPM]

یه‌کی ئایار له‌ ئه‌سینا

[youtube=http://www.youtube.com/watch?v=cjOBlOTE1PY]

[youtube=http://www.youtube.com/watch?v=MaKLn7VQ6rA]

[youtube=http://www.youtube.com/watch?v=wESiZsTQOqA]

یه‌کی ئایار له‌ به‌رلین

[youtube=http://www.youtube.com/watch?v=vTqjt_zQP_U]

یه‌کی ئایار له‌ که‌نه‌دا ئیدمینتن

[youtube=http://www.youtube.com/watch?v=l_QV9yoZdaA]

یه‌کی ئایار له‌ مه‌یامی ئه‌مه‌ریکا

[youtube=http://www.youtube.com/watch?v=dhs0McAznpE]

[youtube=http://www.youtube.com/watch?v=N6LAE9KFptI]

یه‌کی ئایار له‌ ئیستانبول

[youtube=http://www.youtube.com/watch?v=rBcCue4YhOo]

یه‌کی ئایار له‌ له‌نده‌ن

[youtube=http://www.youtube.com/watch?v=2V_F98Kk_iQ]

یه‌کی ئایار له‌ ڕۆته‌ردام / هۆله‌ند

[youtube=http://www.youtube.com/watch?v=BIXyVlWeBak]

[youtube=http://www.youtube.com/watch?v=BCC69EIFxKg]

1ی ئایار سیمبولی مانگرتن و خرۆشانی چینایه‌تی کرێکارانه‌ ، نه‌ك ڕۆژی شایی و هه‌ڵپه‌رکێ و خوارنه‌وه‌ی سه‌رانی پارته‌ ڕامیارییه‌کان و ژاراویکردنی بیری کرێکاران به‌ ئایدیۆلۆژیای وشکهه‌ڵهاتووی ڕێڕه‌وه‌که‌یان.

1886 کرێکارانی شیکاگۆ بۆ به‌ده‌ستهێنانی 8 کاتژیر ڕۆژانه‌کار درێژه‌یان به‌ مانگرتنه‌ گشتییه‌که‌یان دا. ئایا ده‌کرێت پاش سه‌د و بیست و چوار ساڵ له‌ کۆیله‌تی ڕۆژانه‌ی 8 کاتژیری، پاش هه‌زاربار گه‌شه‌سه‌ندی ئامێره‌کان و توند و خێرابوونه‌وه‌ی ڕه‌وتی به‌رهه‌مێنان و هه‌زاربوونه‌وه‌ی فشار و شڵه‌ژاوی ده‌روونی کاته‌کانی کار، کریکاران مل به‌ به‌ پاگه‌نده‌ی پارته‌ ڕامیارییه‌کان بده‌ن و شایی بۆ کۆیله‌تی خۆیان بگێڕن؟

له‌ سه‌د و بیست و چوار ساڵی رابوردوودا هه‌ردوو باڵه‌که‌ی سۆشیال-دێمۆکراسی (ڕوسی- تاکپارتی و ئه‌وروپی – پاره‌له‌مانی) هه‌ر لایه‌ك به‌جۆرێك سواری ملی بزاڤی کرێکاری و بزووتنه‌وه‌ کۆمه‌ڵایه‌تییه‌کانی تر بوون و ده‌یان جار گه‌رماوی خوێنیان بۆ کرێکاران به‌ڕێخست؛ له‌ پترۆگراد، بۆلشه‌ڤیکه‌کان به‌ گه‌رماوگه‌ری به‌ده‌سه‌ڵاتگه‌یشتنیان مانگرتنی کرێکارانیان خه‌ڵتانی خوێن کرد و له‌ ئه‌ڵمانیاش برا سۆشیال-دێمۆکراته‌کانیان له‌ گه‌رمه‌ی شۆرش و دوایی شۆڕش چه‌ندین جار له‌ یه‌کی ئایاردا کرێکاران دایه‌ به‌ر ده‌ستریژ و زیندانی کرد.

سه‌د و بیست و چوار ساڵه‌ به‌شێکی زۆری بزاڤی کرێکاری له‌لایه‌ن ماشێنه‌ ده‌وڵه‌تی سۆسیال-دێمۆکراته‌کانه‌وه‌ (چ تاكپارتی بۆلشه‌ڤیکی، چ  فره‌پارتیی  برا ئه‌وروپییه‌کانیان) فڕیو ده‌رێت و خه‌ڵتانی خوێن ده‌کرێت و سه‌ره‌نجام سه‌ری کرێکاران له‌ کۆیله‌تی ناو کارخانه‌کان ده‌رده‌چیته‌وه‌. ئایا پێویست و دروست نییه‌ جارێك به‌خۆمان ته‌نیا سه‌د و بیست و چوار خوڵه‌ك پێداچوونه‌وه‌ی مێژووی پڕ شکستی بزاڤه‌که‌مان له‌سه‌ر ده‌ستی سۆشیال ده‌سه‌ڵاتخوازه‌کان بکه‌ین و ڕێگه‌یه‌کی تر، شێوازێكی تر له‌ خه‌بات، ئه‌وه‌ی که‌ له‌ 1886دا پێی هه‌ستاین -مانگرتنی گشتی و خه‌باتی راسته‌وخۆ- بگرینه‌وه‌ به‌ر و مێژووی پێش که‌وڵکردنی 1ی ئایار له‌ ناوه‌ڕۆکه‌ چینایه‌تییه‌که‌ی و خه‌باتی سه‌ربه‌خۆ و راسته‌وخۆی ئه‌مڕۆمان له‌یه‌ك گرێ بده‌ینه‌وه‌ و له‌بری سپاردنی بیرکردنه‌وه‌ و بڕیاردان به‌ ئۆتوریته‌گه‌ران و ده‌سه‌ڵاتخوازان، به‌خۆمان وه‌ك هاوڕێیانمان له‌ ئه‌رژه‌نتین و یۆنان، له‌ خواره‌وه‌ڕا بۆ سه‌ره‌وه‌ خه‌ریکی ڕوخاندنی پێکهایه‌ قوچکه‌یی (هیرارشی)یه‌کانی سه‌روه‌ری سه‌رمایه‌ و داڕشتنی کۆمه‌ڵگه‌ی نوێ پشتبه‌ستوو به‌ خۆبه‌ڕێوه‌به‌رایه‌تی خۆمان، مرۆڤه‌ چه‌وساوه‌ و بنده‌سته‌کانی کۆمه‌ڵگه‌کانی جیهان، بین؟

با یه‌کی ئایاری 2010 بکه‌ینه‌ خاڵی ده‌ستپێکی کۆتایی هه‌میشه‌یی سه‌روه‌ری چینایه‌تی و پوچه‌ڵکردنه‌وه‌ی ئایدیۆلۆژیا ده‌سه‌ڵاتخوازییه‌کان

با پێکه‌وه‌ به‌بێ ڕابه‌ر و فه‌رمانده‌ر، به‌بێ پلانی له‌پێش ئاماده‌کراوه‌ی ده‌سه‌ڵاتخوازان، به‌ره‌و کۆمه‌ڵگه‌ی بێچێن و چه‌وسانه‌وه‌ به‌کاروانی ئازادی و یه‌کسانی و دادپه‌وه‌ریخوازییه‌وه‌ په‌یوه‌ست بین

مه‌رگ بۆ سه‌روه‌ری چینایه‌تی له‌ هه‌موو جۆره‌کانیدا

سه‌رکه‌وتوو بێیت خه‌باتی سه‌ربه‌خۆیی چه‌وساوان

خوێنه‌رانی هێژا، ئه‌مه‌ وه‌رگێردراوی کۆمه‌ڵه‌ پرسیار و وه‌ڵامێکه‌، که‌ ماڵپه‌ڕی ئه‌نارکیستی (A las barricadas )، ئاراسته‌ی سه‌کۆی ئه‌نارکیستانی کوردستان (KAF)ی کردن. وه‌ڵامی پرسیاره‌کان به‌ زمانی ئیسپانی و ئینگلیزی و ئاڵمانی بلاوبووه‌وه‌ و له‌ زۆربه‌ی سایته‌ ئه‌نارکییه‌کاندا به‌ زمانی ئینگلیزی دانراوه‌. هیوادارین خوێنه‌رانی هێژا و هاوڕێیانی سۆشیالیست سه‌رنج و ڕه‌خنه‌ و بۆچوونی خۆیان چ وه‌ك سه‌رنج (کۆمێنت) له‌ په‌راوێزی بابه‌ته‌که‌دا یا وه‌ك تێکست بۆ ئیمه‌یل ئه‌دره‌سی (سه‌کۆی) بنێرن، تاوه‌کو فره‌تر له‌و باره‌وه‌ قسه‌وباس بکه‌ین و بۆچوون و زانیارییه‌کانمان بگۆڕینه‌وه‌ و ئه‌زموون و ئایدیاکانمان به‌یه‌کتر ببه‌خشین و ده‌رگه‌ له‌سه‌ر پرسیاره‌ به‌ندکراوه‌کان بکه‌ینه‌وه‌، تا گۆمی مه‌نگکراوی هزری سۆشیالیستی له‌ناو کۆمه‌ڵگه‌ی کوردستاندا چ له‌ باکوور و باشوور، چ له‌ خۆرهه‌ڵات و خۆراوا بشله‌قێنین و جێ به‌ خۆبه‌ڕابه‌رزان و مامۆستازانانی پڕۆلیتاریا له‌ بزووتنه‌وه‌که‌دا له‌ق بکه‌ین، وه‌ك پڕۆدۆن ده‌لێت “با جارێکی تر بگه‌ڕێنه‌وه‌ سه‌ر ئه‌و پرسیارانه‌ی که‌ پێمانوایه‌ وه‌لام دراونه‌وه‌ته‌وه‌ و سه‌رله‌نوێ وه‌ڵامه‌کان نۆژه‌ن بکه‌ینه‌وه‌ و ته‌پوتۆزی ئایدیۆلۆژیایان لێبته‌کێنین و له‌بری هه‌زارباره‌کردنه‌وه‌ی وه‌ڵامه‌ ئاماده‌کراوه‌کان، له‌بری ئه‌وه‌ی ئۆتوریته‌ی مامۆستابوون و ڕابه‌ربوون (شوانه‌ی ڕامیاریی) بۆخۆمان بسازین، پرسیار لای خوێنه‌ر به‌جێبهێڵین و ڕێگه‌ بۆ به‌شدارییکردنیان له‌ وه‌ڵامدانه‌وه‌ و مشتومڕی په‌یگیرانه‌یان بۆ بڕه‌خسێنین. له‌بری وتنه‌وه‌ی وانه‌ی گوێڕایه‌ڵی و ملکه‌چبووون بۆ ده‌سه‌لاتداران و ده‌سه‌ڵاتخوازان، هاوڕێیانمان، هاوه‌ڵانمان، هاوده‌رد و هاوچینه‌کانمان بۆ یاخیبوون و خۆبیرکردنه‌وه‌، خۆئازادکردن، خۆبڕیاردان، خۆبه‌ڕێوه‌به‌رایه‌تی، هه‌ڵخڕێنین و تف و نه‌فره‌ت له‌ خۆبه‌رابه‌رزان و ڕامیاره‌ مفته‌خۆره‌کان بکه‌ین. له‌بری چاوه‌ڕوانی له‌ که‌سانیتر تاکو دونیامان بۆ بگۆڕن، به‌خۆمان هه‌ر که‌سه‌ و له‌جێی خۆیه‌وه‌ ده‌ست به‌ گۆڕان له‌ خودی خۆمان و ده‌وروبه‌ری خۆماندا بکه‌ین و ژیانی که‌سیی خۆمان، خێزان و کۆمیونێتییه‌کانمان، شوێنی کار و په‌یوه‌ندییه‌کانی کارمان، گوند و شار و هه‌رێم و وڵات و کیشوه‌ره‌کان له‌ سه‌ر بنه‌مای خۆبه‌ڕێوه‌به‌رایه‌تی کۆمیونێتییه‌ ئازاده‌کان، کۆمونه‌کان، ئه‌نجوومه‌نه‌کان، سه‌ندیکاکان، هه‌ره‌وه‌زییه‌کانی ڕێکخراو له‌ فیدراسیۆنه‌کان و کۆنفیدراسیۆنه‌کاندا، له‌ خواره‌وه‌ڕا بۆ سه‌ره‌وه‌ ڕێکبخینه‌وه‌ و شوێنپێی ئه‌و هێز و ئاراسته‌ ڕیفۆرمیست و ده‌سه‌ڵاتخوازانه‌ی که‌ به‌سه‌ر نه‌ته‌وه‌ و ئایین و نه‌ژاد و ڕه‌گه‌ز و ڕه‌نگی جیاوازدا دابه‌شمان ده‌که‌ن، له‌ ژیانی ڕۆژانه‌ماندا بسڕینه‌وه‌، کۆمه‌ڵگه‌یه‌ك له‌سه‌ر بنه‌مای ئازادی، یه‌کسانی، دادپه‌روه‌ری و خۆشه‌ویستی بنیات بنێین، کۆمه‌ڵگه‌یه‌کی بێچین و بێسه‌روه‌ر! بۆ ئه‌مه‌ش پێویسته‌ ئه‌م وته‌ هه‌زاران ساڵه‌یه‌ی ئازادیخوازان “بجوڵێ، بگۆڕێ، بۆ ئه‌وه‌ی شتێکیش له‌ته‌ك تۆدا بکه‌وێته‌ جوڵان و گۆران” بکه‌ینه‌وه‌ سه‌ردێڕی کاری ڕۆژانه‌مان.

Continue reading گفتوگۆی سایتی A las barricadas له‌ته‌ك سه‌کۆی ئه‌نارکیستانی کوردستان KAF →

شه‌پۆلی ناڕه‌زایه‌تی خو‌ێندکارانی هه‌رێمی کوردستان له‌ هه‌ڵچوونی به‌رده‌وامدایه‌‌‌

پاش ئه‌وه‌ی که‌ خۆپیشاندانی خوێندکارانی نارازی له‌ هه‌ردوو شاری هه‌ولێر و سلێمانی درایه‌ به‌ر ده‌ستڕێژ و کۆمه‌لیك خوێندکاری خۆپیشانده‌ر بریندار وزیندانی و تێهه‌ڵدان کران، ناڕه‌زایه‌تی خویندکاران به‌پێچه‌وانه‌ی چاوه‌ڕوانی ده‌سه‌ڵاتدارانه‌وه‌ ، که‌ پێیانوابوو به‌ سه‌رکوت کۆتایی به‌ ناڕه‌زایه‌تییه‌کان دێت، له‌ شاررۆچکه‌کانی تریش ناره‌زایه‌تی کلپه‌ ده‌سێنێت و له‌ که‌لار خویندکاران خۆپیشاندان ده‌که‌ن و له‌ هه‌ولێری پایته‌ختیش له‌ ماوه‌ی چه‌ند ڕۆژی رابوردوودا خوێندکارانی دواناوه‌ندییه‌کان به‌رده‌وام خۆپیشاندان ده‌که‌ن و خوازیاری هه‌ڵوه‌شاندنه‌وه‌ی بڕیاری زیادکردنی 25 نمره‌ بۆ خوێنکارانن، ئه‌وه‌ی که‌ ته‌نیا خوێندکارانی ده‌رچووی ساڵی یه‌که‌م و خولی یه‌که‌می پۆلی شه‌شی ئاماده‌یی ده‌گرێته‌وه

دیاربه‌کر: مانگرتنی کتوپڕ به‌ سه‌رکه‌وتوویی کۆتایی هات

ئاماده‌کردنی: mikail firtinaci

22ی ئه‌پڕیلی 2010

مانگرتنی کتوپڕی کرێکاران بۆ زیادکردنی کرێ سه‌رکه‌وتنی به‌ده‌ستهێنا…

کرێکاران له‌ کارخانه‌کانی خشتسازی له‌ دیاربه‌کر ( گه‌وره‌ترین شار له‌ باشووری خۆرهه‌ڵاتی هه‌رێمی کوردنشین له‌ تورکیا) ده‌ستیاندایه‌ مانگرتنێکی خۆبه‌خۆیی بۆ زیادکردنی کڕێ..

کار له‌ به‌رامبه‌ر کرێی نه‌گۆڕ له‌ ماوه‌ی چوار ساڵدا ( نزیکه‌ی 350 یۆرۆ بۆ 16 کاتژێر کار له‌ ڕۆژێکدا) به‌بێ زیاده‌کرێ، کرێکارانی 11 کارخانه‌ی خشتسازی له‌ هه‌مان شاردا له‌ 16ی ئه‌پڕیلدا ده‌ستیاندایه‌ مانگرتنێکی کتوپری نایاسایی، که‌ مانگرتنه‌که‌ به‌ خۆبه‌خۆ و به‌رفراوان ده‌رکه‌وت.

گفتوگۆ له‌نێوان نوێنه‌رانی کرێکاران و خاوه‌نکاران له‌ژێر چاودێری هه‌مه‌لایه‌نه‌ی ژه‌ندرمه‌ (جه‌ندرمه‌) کۆتایی پێهات، که‌ خاوه‌نکاران پێشنیاری زیادکردنی کرێ به‌ ڕێژه‌ی 7.5%. له‌به‌رامبه‌ردا کرێکاران هه‌ڕه‌شه‌ی ئه‌وه‌یان کرد، که‌ ئه‌گه‌ر داواکارییه‌کانیان جێبه‌جێ نه‌کرێن، ئه‌وا له‌ 19ی ئه‌پریلدا ڕێپێوانێکیان بۆ به‌رده‌م پارێزگاری شار به‌ڕێده‌خه‌ن. دواجار له‌ 21ی ئه‌پڕیلدا به‌ زیادکردنی کرێ به‌ ڕێژه‌ی 28% کرێکاره‌کان گه‌رانه‌وه‌ سه‌ر کار.

سه‌رچاوه‌: http://libcom.org/news/wildcat-strike-diyarbak%C4%B1r-ended-victory-22042010

به‌ڕێوه‌به‌رێك ته‌قه‌ له‌ کرێکاران ده‌کات، که‌ خوازیاری  کڕێی ته‌واون

کرێکاره‌کان برانه‌ نه‌خۆشخانه‌ پاش ئه‌وه‌ی که‌‌ به‌ڕێوه‌به‌ره‌که‌ ته‌قه‌ی لێکردن

دوو کرێکاری ته‌لارسازی له‌ مۆسکۆ له‌ نه‌خۆشخانه‌ خه‌وێنران، پاش ئه‌وه‌ی که‌ به‌ڕێوه‌به‌ره‌که‌یان به‌ ده‌مانچه‌ی میکاریچ گوله‌ی پلاستیکی پێوه‌نان. ئه‌م ڕوداوه‌ له‌ نیوه‌ی شه‌ودا له‌ مۆسکۆ ڕوویدا، له‌ کاتێکدا که‌ کرێکاره‌کان له‌ ئیڤێستیا خه‌ریکی  ته‌لارچاکردنه‌وه‌ بوون، ڕووبه‌ڕووی به‌ڕێوه‌به‌ره‌که‌یان بوونه‌وه‌ ، که‌ کرێی پێنه‌دابوون. به‌ڕێوه‌به‌ری کارخانه‌که‌ ده‌مانجه‌که‌ی ده‌رده‌کێشێت و ده‌ست به‌ ته‌قه‌کردن ده‌کات.

سه‌رچاوه‌ی لێوه‌وه‌رگیراو: http://libcom.org/news/boss-shoots-workers-demanding-salary-23042010

سه‌رچاوه‌ی هه‌واڵ: http://www.aitrus.info/node/795