ڕەزا شەهابی چالاکڤانی سەندیکایی شرکت واحد درێژە بە مانگرتن لە خواردن دەدات

هەواڵنێری هرانا– ڕەزا شەهابی ئەندامی لێژنەی بەڕێوەبەرایەتی سەندیکای (شرکت واحد)ی ئوتوبوسرانی تاران و دەوروبەری بە هۆی ئاوڕنەدانەوە لە پەروەندەکەی لە ڕۆژی شەممەی ڕابوردووەوە لە مانگرتندایە. فەرید پەرتوی ئەندامی یەکێتی نێونەتەوەیی پشتیوانی و هاوپشتی لە کرێکارانی ئێران دەڵێت، باری جەستەیی ڕەزا شەهابی پاش شەش ڕۆژ مانگرتن لە خواردنی وشك لە بارودۆخێکی گونجاودا نییە و بۆ بە پێوە ڕاوەستان، پێویستی بە یارمەتی هەیە.

بە پێی هەواڵی ڕادیۆ فەرەنسە، ڕەزا شەهابی ئەندامی لێژنەی بەڕێوەبەرایەتی سەندیکای (شرکت واحد)ی ئوتوبوسرانی تاران و دەوروبەری و هەروەها هەندێك لە یەکێتییەکان و سەندیکاکانی جیهان پشتیوانی لە کرێکارانی ئێران دەکەن، وێڕای دەربڕینی نیگەرانیان لە باری تەندروستی ڕەزا شەهابی خوازیاری ئاوڕدانەوەی هەرچی زووترن لە پەروەندەی ئەو و ئەندامانی تری ئەو سەندیکایە. هەروەها خوازیاری ئازادبوونی هەرچی زووتری ئەندامانی سەندیکا بوون.

هەروەها پێویستە ئەوەش بڵێین، هەر ئێستاکە حەوت کەس لە ئەندامانی سەندیکای (شرکت واحد)ی ئوتوبوسرانی تاران و دەوروبەری لە زینداندان. ئیبراهیمی مەدەدی، ڕەزا شەهابی و مورتەزا کمساری لە زیندانی ئەڤین، عەلی ئەکبەری نەزەری لە زیندان قزل حەسار، غوڵامڕەزا غوڵامحوسەینی و مەنسور ئیسانلو لە زیندانی ڕەجایی شاری کەرەج دەستبەسەرن.

سەرچاوە:http://www.hra-news.org/1389-01-27-05-29-12/5600-1.html

Reza şehabî çalakvanî bsendîkayî şirkit wahd drêje be mangirtnekey le wişkexorak dedat

hewallnêrî hrana- reza şehabî endamî lêjney berrêweberayetî sendîkay (şirkit wahd)î utubusranî taran û dewruberî be hoy awirnedanewe le perwendekey le rojî şemmey raburduwewe le mangirtindaye. ferîd pertuy endamî yekêtî nêwneteweyî piştîwanî û hawpiştî le krêkaranî êran dellêt, barî cesteyî reza şehabî paş şeş roj mangirtin le xwardnî wişk le barudoxêkî guncawda nîye û bo be pêwe rawestan, pêwîstî be yarmetî heye.

be pêy hewallî radyo ferense, reza şehabî endamî lêjney berrêweberayetî sendîkay (şirkit wahd)î utubusranî taran û dewruberî û herweha hendêk le yekêtîyekan û sendîkakanî cîhan piştîwanî le krêkaranî êran deken, wêrray derbrrînî nîgeranyan le barî tendrustî reza şehabî xwazyarî awirdanewey herçî zûtrin le perwendey ew û endamanî trî ew sendîkaye. herweha xwazyarî azadbûnî herçî zûtrî endamanî sendîka bûn.

herweha pêwîste eweş bllêyn, her êstake hewt kes le endamanî sendîkay (şirkit wahd)î utubusranî taran û dewruberî le zîndandan. îbrahîmî mededî, reza şehabî û murteza kimsarî le zîndanî evîn, ‘elî ekberî nezerî le zîndan qzil hesar, xullamrreza xullamhuseynî û mensur îsanlu le zîndanî recayî şarî kerec destbesern.