چالاکڤانێکی تری کرێکاری لە نەغەدە دەستگیر کرا

هەواڵنێری هرانا- ڕۆژی پێنج شەممە ڕێکەوتی ١١ی نۆڤەمبەری ٢٠١٠ عومەر ئیسماعیلپور چالاکڤانی کرێکاری، لە شارۆچکەی نەغەدە لەلایەن هێزەکانی سوپای پاسدارانەوە دەستگیر و زیندانی کرا.

بەپێی کۆمەیتەی هاریکاری، تاکو ئێستا هیچ زانیارییەك لە شوێن و بارودۆخی ئەم چالاکڤانە کرێکارییە بەدەستنەهاتووە و پێشتریش دوو کەس لە چالاکڤانانی کرێکاری ئەم شارە بەنێوی سدیقی خەسرەوی و ئیبراهیمی ئیسماعیلپور دەستگیر و ڕەوانەی زیندانی ناوەندی نەغەدە کراون.

دەزگە ئیتلاعاتی و ئاساییشیەکان لە هەفتەکانی دوایدا بە هۆی پەرەسەندنی ناڕەزایەتییە کرێکارییەکانەوە فشاری بۆ سەر چالاکڤانانی کرێکاری زیاد کردووە و دەستگیرکردنیانی خستووەتە لیستی کارەوە.

سەرچاوەی هەواڵ:http://www.hra-news.org/1389-01-27-05-29-12/5141-1.html

çalakvanêkî trî krêkarî le nexede destgîr kra

hewallnêrî hrana- rojî pênc şemme rêkewtî 11î novemberî 2010 ‘umer îsma’îlpur çalakvanî krêkarî, le şaroçkey nexede lelayen hêzekanî supay pasdaranewe destgîr û zîndanî kra.

bepêy komeytey harîkarî, taku êsta hîç zanyarîyek le şwên û barudoxî em çalakvane krêkarîye bedestnehatuwe û pêştrîş dû kes le çalakvananî krêkarî em şare benêwî sdîqî xesrewî û îbrahîmî îsma’îlpur destgîr û rewaney zîndanî nawendî nexede krawn.

dezge îtla’atî û asayîşyekan le heftekanî dwayda be hoy peresendnî narrezayetîye krêkarîyekanewe fşarî bo ser çalakvananî krêkarî zyad kirduwe û destgîrkirdinyanî xistuwete lîstî karewe.