لیژنه‌ی چالاکڤانان و هه‌ڵسوڕێنه‌رانی ناو بزووتنه‌وه‌ی فێریاران و خوێنداکاران ئه‌مڕۆ ئه‌وه‌یان دووپات کرده‌وه، خۆپیشاندانی فێریاران و خوێندکاران له‌ ڕۆژی چوارشه‌ممه‌، 24ی نۆڤەمبەری2010 ، به‌رده‌وام ده‌بێت و به‌ هه‌زاران فێریار و خوێندکار پۆله‌کانی خوێندنیان به‌جێده‌هێڵن و بۆ ناڕه‌زایەتی ده‌ربڕین بەرامبەر به‌ بڕینی کۆمەکی فێریاریه‌ گه‌نجه‌کان و به‌رزکردنه‌وه‌ی بڕی خه‌رجی زانکۆکان، ده‌ڕژێنه‌ سه‌ر شه‌قامه‌کان.

شایانی باسه‌، وا پێشبینی ده‌کرێت، که‌ ئه‌م خۆپیشاندانه‌ له‌وه‌ی پێشووتر گه‌وره‌ تر و کاراتر بێت. به‌پێی قسه‌ و چاوپێکه‌وتنی زۆرێك لە گه‌نجان لەتەك ڕۆژناماه‌کاندا، ئه‌وان به‌هره‌ و ئه‌زموون و فێربونێکی زۆریان له‌ خۆپیشاندانی پێشووتر هەیە و بۆ به‌جێماوه‌‌ و ده‌ڵێن ئه‌مه‌ بۆ پاشه‌ڕۆژی هه‌موومانه‌ و دوای ئه‌وه‌ش ڕێگاکانی تر تاقیکراونه‌ته‌وه‌‌ و هیچیان لێهه‌ڵنه‌کڕێنراوه‌، بۆیه‌ ده‌بێت تەنیا پشت بە چالاکیه‌کانی خۆیان ببەستن.

ئه‌وه‌ی ئاشکرایه، بزوتنه‌وه‌ی ناڕه‌زایی فێریاران و خوێندکاران ‌ به‌لایه‌نی که‌مه‌وه‌ له‌ سێ باردا پێشه‌وه‌چوونێکی گه‌وره‌تر له‌ چاو ڕابوردوو چووه‌ته‌ پێشه‌وه‌ :

1- سه‌رکرده‌ فەرمییه‌کانی یه‌کێتی خوێندکاران که‌نار خراون و ده‌ستی چه‌په‌ڵیان که‌وتۆته‌ ڕوو، که‌ لەبەر ده‌سته‌مۆبوونیان بۆ پارتیه‌کانیان، ناتوانن باوه‌ڕیان پێبکرێت و شتێك بۆ فێریاران به‌ ئه‌نجام بگه‌یه‌نن.

2- ئه‌م جاره‌ خۆپیشاندانه‌که‌ باشتر ڕێکخراوه‌ و پلانی باشتریشی بۆ داڕێژراوە، که‌ ‌ به‌شێکیان له‌سه‌ر شەقامه‌کان تاکتیکی دانیشتن بگرنه‌ به‌ر و لە شوێنی خۆیان نه‌جۆڵێن، به‌شێکی تریان ده‌ست به‌سه‌ر هه‌ندێک شوێندا بگرن، به‌شێکیان چواردەوری بارگەی پارتی لیبراڵ دیمۆکرات بده‌ن، که‌ له‌ ده‌وڵه‌تدا به‌شێکن له‌ ده‌سه‌ڵاتی ئه‌مڕۆ، ئه‌نجامدانی هه‌موو ئه‌مانه‌، لە شێوەی کاری ڕاسته‌وخۆ دەبن. به‌شێکی تریان ” که‌ڕنه‌ڤاڵی ناڕه‌زایی” له‌سه‌ر شه‌قامه‌کان ده‌گێڕن.

3- ناڕه‌زایەتییه‌کانی ئێستا فێریارانی گه‌نجی خوێندنگه‌ ناوه‌ندییه‌کان و ئامادەییەکانیشیان گرتۆته‌وه‌. ئێستا لیژنەکانی فێریاران له‌ زۆربه‌ی زۆری فێرگەکاندا دروست بوون و بۆ هاتنه‌ده‌ره‌وه‌ له‌ قوتابخانه‌ و هەستان بە کاری ڕاسته‌وخۆ، هانی فێریاران ده‌ده‌ن.

هه‌ندێک له‌و فێرگانه‌ بڕیاره‌ زیاتر له‌ 100 فێریار بێنه‌ ده‌ره‌وه‌، گه‌رچی ئه‌مه‌ دژی یاسای فێرگه‌یه‌ و نابێت گەنجان له‌ ناوه‌ندی و ئامادەییەکاندا فێرگە به‌جێبهێڵێت، به‌ڵام سەرەڕای ئەوەش به‌ ‌به‌شداری کردنیان به‌ڵێنی خۆیان دووپات کرده‌وه‌. ناڕه‌زایەتییه‌که‌ له‌ سه‌ر ئاستی شاره‌ گه‌وره‌کانی بریتانیا ده‌بن، ئه‌وه‌ش شایانی وتنە، که‌ هه‌ندێك له‌ مامۆستانی فێرگه‌کان و زانکۆکانیش وه‌کو جاری پێشوو، ئه‌مجاره‌ش به‌شداری خۆپیشاندانه‌که‌ ده‌کەن و هه‌مووان باوه‌ڕیان به‌کردنی کار یا چالاکی ڕاسته‌وخۆ هه‌یه‌، که‌ ئه‌نجامێک به‌ده‌سته‌وه بدات.

[youtube=http://www.youtube.com/watch?v=8L5JyGZNas8]

narrezayyekanî Fêryaran û Xwêndkaran le Berîtanya drêjeyan debêt

lîjney çalakvanan û hellsurêneranî naw bzûtnewey fêryaran û xwêndakaran emrro eweyan dûpat kirdewe, xopîşandanî fêryaran û xwêndkaran le rojî çwarşemme, 24î novemberî2010 , berdewam debêt û be hezaran fêryar û xwêndkar polekanî xwêndinyan becêdehêlln û bo narrezayetî derbrrîn beramber be brrînî komekî fêryarye gencekan û berizkirdnewey brrî xercî zankokan, derrjêne ser şeqamekan.
şayanî base, wa pêşbînî dekrêt, ke em xopîşandane lewey pêşûtir gewre tir û karatir bêt. bepêy qse û çawpêkewtnî zorêk le gencan letek rojnamaekanda, ewan behre û ezmûn û fêrbunêkî zoryan le xopîşandanî pêşûtir heye û bo becêmawe û dellên eme bo paşerrojî hemûmane û dway eweş rêgakanî tir taqîkrawnetewe û hîçyan lêhellnekrrênrawe, boye debêt tenya pişt be çalakyekanî xoyan bbestin.
ewey aşkraye, bzutnewey narrezayî fêryaran û xwêndkaran  belayenî kemewe le  sê barda pêşeweçûnêkî gewretir le çaw raburdû çuwete pêşewe :

1- serkirde fermîyekanî yekêtî xwêndkaran kenar xrawn û destî çepellyan kewtote rû, ke leber  destemobûnyan bo partyekanyan, natwanin bawerryan pêbkrêt û ştêk bo fêryaran be encam bgeyenin.

2- em care xopîşandaneke baştir rêkixrawe û planî baştrîşî bo darrêjrawe, ke  beşêkyan leser şeqamekan taktîkî danîştin bgirne ber û le şwênî xoyan necollên, beşêkî tiryan dest beser hendêk şwênda bigrin, beşêkyan çwardewrî bargey partî lîbrall dîmokrat bden, ke le dewlletda beşêkin le desellatî emrro, encamdanî hemû emane, le şêwey karî rastewxo debin. beşêkî tiryan ” kerrnevallî narrezayî” leser şeqamekan degêrrn.

3- narrezayetîyekanî êsta fêryaranî gencî xwêndinge nawendîyekan û amadeyyekanîşyan girtotewe. êsta lîjnekanî fêryaran le zorbey zorî fêrgekanda drust bûn û bo hatnederewe le qutabxane û hestan be karî rastewxo, hanî fêryaran deden.

hendêk lew fêrgane birryare zyatir le 100 fêryar bêne derewe, gerçî eme djî yasay fêrgeye û nabêt gencan le nawendî û amadeyyekanda fêrge  becêbhêllêt, bellam sererray eweş be beşdarî kirdinyan bellênî xoyan dûpat kirdewe. narrezayetîyeke le ser astî şare gewrekanî brîtanya debin, eweş şayanî witne, ke hendêk le mamostanî fêrgekan û zankokanîş weku carî pêşû, emcareş beşdarî xopîşandaneke deken û hemuwan bawerryan bekirdnî kar ya çalakî rastewxo heye, ke encamêk bedestewe bdat.