خۆپیشاندانی فێریاران و خوێندکاران له بریتانیا به‌رده‌امه
ئه‌مڕۆ زیاتر له 100.000 هه‌زار خوێندکاری زانکۆ و فێریاران (قوتابیان)ی ئاماده‌یی لەتەك ژمارەیەك له مامۆستایان و کەسانی پشتیوانیگەر له زۆربه‌ی شاره‌کانی بریتانیادا دژی بڕینی یارمه‌تی گه‌نجان بۆ خوێندن و به‌رزکردنه‌وه‌ی خه‌رجی زانکۆ بۆ 9.000 هه‌زار پاوه‌ندی به‌ریتانی، گه‌وره‌ترین خۆپیشاندانیان بەرپاکرد و ناڕه‌زاییان ده‌ربڕی.
خۆپیشاندانه‌کان له زۆربه‌ی زۆری شاره‌کانی بریتانیادا، له‌وانه: له‌نده‌ن، بەرمینگه‌هام، مانشسته‌ر، برستڵ، ساوز هه‌مپتن، لیڤه‌رپول، لیدس کاردیف، ده‌ستی پێکرد، ته‌نانه‌ت له شاره‌کانی سکۆتله‌نده‌ش گڵاسکۆ، ئێدنگبره به هه‌زاران فێریار و خوێندکار تەنیا وەك هاوپشتی لە فێریاران و خوێندکاران لە شارەکانی تری بریتانیا ڕژانە سه‌ر شەقامەکان. چونکه ئه‌م یاسا تازه‌ی ده‌وڵه‌ت فێریارانی سکۆتله‌نده ناگرێته‌وه، له‌به‌رئه‌وه‌ی سکۆتله‌نده خاوه‌نی په‌ڕله‌مانی خۆیان و بودجه‌ی خۆیانن، که له ده‌سه‌ڵاتی ناوه‌ندی جیایه.
خۆپیشاندانه‌کان به که‌ڕنه‌ڤاڵی ناڕه‌زایی و هەستان بە چالاکی ڕاسته‌وخۆ به دانیشتن له‌سه‌ر شەقامه‌کان و داگیرکردنی هه‌ندێک هؤڵ و به‌شی زانکۆکان و چواردەورەدانی کۆمەلێك فەرمانگە و تەلاری ده‌وڵه‌تیان دا و له‌ولاشه‌وه ڕێپێوانێکی گه‌وره به‌ره‌و وایت هۆڵ و په‌ڕله‌مان درێژەی کێشا.
له خۆپیشاندانه‌که‌ی (له‌نده‌ن)دا تا ئامادەکردنی ئه‌م هه‌واڵه، که کاتژێر 8 ی شه‌وه، خۆپیشانده‌ران بڵاوه‌یان نه‌کردووه و لەتەك پۆلیسدا چنگاوش بوون و له‌و نێوەدا 2 پۆلیس به سه‌ختی بریندار بوون و 11 که‌سیش له خۆپیشانده‌ران بریندار بوون و ڤانی پۆلیس تێیدا سه‌ر به‌ره‌و ژێر کرا.
شایانی باسه، که خۆپیشانده‌ران ئه‌وه‌یان دووباره کرده‌وه و پێداگرییان لەسەر کردەوە، که دانانیشن و ئاماده‌نین کۆتایی به‌ناڕه‌زاییه‌کانیان بهێنن. ئه‌مه هه‌ر له به‌رده‌وام بووندا ده‌بێت، له‌و لاشه‌وه له هه‌ندێک شاری تر هه‌ندێک فێریار له ڕۆژی دووشه‌مه‌وه ، 22ی نۆڤەمبەری2010 له ده‌ست به‌سه‌راگرتنی چه‌ندبه‌شێکی زانکۆکاندا به‌رده‌وام دەبن.
Xopîşandanî Fêryaran û Xwêndkaran le Brîtanya berdeame
emrro zyatir le 100.000 hezar xwêndkarî zanko û fêryaran (qutabyan)î amadeyî letek jmareyek le mamostayan û kesanî piştîwanîger le zorbey şarekanî brîtanyada djî brrînî yarmetî gencan bo xwêndin û berizkirdnewey xercî zanko bo 9.000 hezar pawendî berîtanî, gewretrîn xopîşandanyan berpakird û narrezayyan derbrrî.
xopîşandanekan le zorbey zorî şarekanî brîtanyada, lewane: lenden, bermîngeham, manşister, bristill, sawz hemptin, lîverpul, lîdis kardîf, destî pêkird, tenanet le şarekanî skotlendeş gllasko, êdingibre be hezaran fêryar û xwêndkar tenya wek hawpiştî le fêryaran û xwêndkaran le şarekanî trî brîtanya rjane ser şeqamekan. çunke em yasa tazey dewllet fêryaranî skotlende nagrêtewe, leberewey skotlende xawenî perrlemanî xoyan û budcey xoyanin, ke le desellatî nawendî cyaye.
xopîşandanekan be kerrnevallî narrezayî û hestan be çalakî rastewxo be danîştin leser şeqamekan û dagîrkirdnî hendêk holl û beşî zankokan û çwardewredanî komelêk fermange û telarî dewlletyan da û lewlaşewe rêpêwanêkî gewre berew wayt holl û perrleman drêjey kêşa.
le xopîşandanekey (lenden)da ta amadekirdnî em hewalle, ke katjêr 8 î şewe, xopîşanderan bllaweyan nekirduwe û letek polîsda çingawş bûn û lew nêweda 2 polîs be sextî brîndar bûn û 11 kesîş le xopîşanderan brîndar bûn û vanî polîs têyda ser berew jêr kra.
şayanî base, ke xopîşanderan eweyan dûbare kirdewe û pêdagrîyan leser kirdewe, ke dananîşn û amadenîn kotayî benarrezayyekanyan bhênin. eme her le berdewam bûnda debêt, lew laşewe le hendêk şarî tir hendêk fêryar le rojî dûşemewe , 22î novemberî2010 le dest beseragirtnî çendbeşêkî zankokanda berdewam debin.
