یۆنان: ڕاگه‌یاندنی مانگرتنی 24 کاتژێری

ئامادەکردنی: جانگۆ، ١٩ی مای٢٠١٠

ئەمڕۆ له‌ چەند به‌شیکی پایتەختی ڕۆمانیا،بوخارست 50.000 خۆپیشانده‌ر به‌رامبه‌ر جێبه‌جێکردنی پرۆگرامی دڕندانه‌ی لێگرتنه‌وه‌ که‌ هه‌نووکه‌ میرایه‌تی ڕۆمانی ده‌ستی به‌ جێبه‌جێکردنی کردووه‌، خۆپیشاندانیان. هاوکاتی ئه‌وه‌، یه‌کێتییه‌کان هه‌ڕه‌شه‌ی مانگرتنی گشییان کرد له‌ ڕێکه‌وتی 31ی ئایاری 2010دا.

خۆپیشاندانه‌که‌ یه‌کێکه‌ له‌ چالاکییه‌ هه‌ره‌ گه‌وره‌کان له‌ پاش ڕوخانی میرایه‌تی چاوشیسکۆ له‌ ساڵی 1989دا، هه‌روه‌ها دوابه‌دوای چه‌ندین خۆپیشاندانی دژی پرۆگرامی تایبه‌تیکردنی که‌رته‌ گشتییه‌کان له‌ پایته‌ختی ئه‌و ولاته‌دا دیت. له‌ ئه‌نجامی خۆپیساندانه‌که‌ هاتوچۆ وه‌ستا بوو، لێپرسراوێکی بالای میریی به‌ئاو ته‌ڕکرا و به‌ به‌رد په‌لاماری شالیارگه‌ی فه‌رمی ئابووریی درا و Marcel Hoara له‌ ناچاریدا به‌هامرایی پۆلیس له‌ شوێنه‌که‌ دوورخرایه‌وه‌، له‌به‌ر ئه‌وه‌ی له‌لایه‌ن خۆپیشانده‌رانه‌وه‌ له‌سه‌ر ڕێگه‌ی ده‌رچوونی له‌ دێباته‌یه‌کی ته‌له‌فزیۆنیدا ، بۆته‌ی بۆ دانرابووه‌وه.

بۆ خوێندنه‌وه‌ی زیاتر له‌مه‌ڕ پێشینه‌ و هۆکاری خۆپیشاندان و بڕیاری مانگرتنی گشتی، تکایه‌ کلیکی ئه‌م به‌سته‌ره‌ی خواره‌وه‌ بکه‌ن:

http://libcom.org/news/romania-protests-against-austerity-measures-grow-general-strike-planned-19052010

ئامادکردنی: سیڤن ١٧ی ئایار ٢٠١٠

یەکێتییە سەرەکییەکانی هیندوستان بانگەوازیان بۆ مانگرتنی گشتی سەرتاسەری لە سێپمتەمبەردا کرد و خوازیاری کۆمەڵێك داواکاری بوون، لەوانە چارەسەری بەرزبوونەوەی باری گوزەران و چاککردنی تۆڕی بیمە کۆمەڵایەتییەکان.

“هیندو” رایگەیاند کە گشت یەکێتییە سەرتاسەرییەکان بانگەوازی مانگرتنی سەرتاسەرییان داوە دژی ڕامیارییە ناوەندییەکانی لەمەڕ بەربوونەوەی نرخەکان و پرسی تری کرێکاران لەوانە پێشێلکارییەکانی یاسای کار ، Gurudas Dasgupta سکرتێری گشتی کۆنگرەی یەکێتییە کرێکارییەکانی هیندوستان (AITUC ) ئەم چوارشەممەیە دانی بەوەدا نا.

„ ١٥ی جولای ٢٠١٠ لە کۆنگرەی سەرتاسەر گشت یەکێتییە پیشەییە ناوەندییەکاندا بڕیار لەسەر کاتی دەستپێکردنی مانگرتنەکە دەدرێت، بەڵام ڕێکەوتی لەپێشچاوگیراوی مانگرتنەکە هەفتەی یەکەمی مانگی سێپتەمبەر دەبێت، بەرێز Dasgupta لە کۆنفرانسێکی ڕژنامەوانیدا ڕایگەیاند.

ئەمە یەکەمین جارە کە گشت یەکێتییە پیشەییەکان، لەوانە کۆنگرەی سەرتاسەری یەکێتییە کرێکارییەکانی هیندوستان (INTUC) و بهاراتیا مازدور سانغ (BMS)، پێکرا لەسەر راگەیاندنی مانگرتنی گشتی پێكهاتوون، بەپێی قسەکانی بەڕێز Dasgupta.

بڕیار لەسەر بانگوازی مانگرتنی گشتی لە کۆبوونەوەی نوێنەرانی هەر ٨ یەکێتییە پیشەییە ناوەندییەکان بوو، کە INTUC سەرۆکایەتی دەکات، Dr. G. Sanjeeva Reddy ئەمەی بۆ زیادکرد.

هەروەها وتی: نیگەرانی لەمەر پرسگەللی وەك چوونەسەری نرخەکان، پێشێلی یاسای کار، بەفیڕۆدانی سەرمایەگوزاری لە بەشی گشتی (PSUs) و داواکردنی سندووقی نیشتمانی بۆ بیمە کۆمەڵایەتییەکان لە بەشی ناڕیکخراوی کۆمەڵگەدا، جێی قسەوباس بوون.

پرسی ئەوەی کە ئایا بالی یەکێتییە کرێکارییەکان INTUC لە مانگرتنەکەدا بەشدار دەبێت، کە خواستگەلەکانی چەند جار لەلایەن پارتی چەپەکانەوە پێشنیار کراون، بەڕێز Dasgupta ڕۆشنی کردەوە کە پرسی جۆراوجۆر لەوانە پێشێلی یاسای کار، لەدەستدانی کار و پێویستی بەردەوامی سەرمایەگوزاری لە بەشی ناریکخراودا داخوازی ئەندامانی یەکێتییە پیشەییەکان پێدەهێنن.

بەڕیز Dasgupta وتی، یەکێتییە پیشەییەکان ناچار بە هەڵگرتنی ئەم هەنگاوە بوون، پاش بێوەڵام مانەوەی چەند هەوڵەکانیان بۆ گەیاندنی نیگەرانییان بە سەرۆکشالیارانی هیندوستان مانمۆهان سینغ و شالیاری دارایی پراناب موخەرجی.

سه‌رچاوه‌ی هه‌واڵ: http://libcom.org/news/general-strike-india-planned-over-price-rises-17052010

ناکۆکی نێوان ده‌وڵه‌تی تایلان دو کراسسوران گه‌یشتۆته‌ چرکه‌ ساتتێکی ترسناک و خوێناوی. شایانی باسه‌، له‌ ڕۆژه‌ی پێنجه‌شه‌مه‌ ،13.05.2010ه‌وه‌ زیاتر له‌ 51 که‌س کوژراون و ژماره‌یه‌کی زۆریش بریندار بوون. کراسسوران له‌Bangkok پایته‌ختی تایلاند له‌ ناوجه‌رگه‌ی شاردا له‌ بازاڕی سه‌ره‌کیدا، که‌ خه‌ڵکانی زۆر ده‌وڵه‌مه‌ند بازاڕی لێده‌که‌ن، له‌ ناوه‌ڕاستی مانگی ئازاره‌وه‌ ده‌ستیان به‌سه‌ر ئه‌و ناوه‌نده‌دا گرتووه‌ و کردوویانه‌ به‌ که‌مپێک بۆ خۆیان، که‌ ژماره‌یان زیاتر له‌ 5 هه‌زار که‌سه‌.

ئه‌وان ئاماده‌ن وتووێژ له‌ته‌ك ده‌وڵه‌ت بکه‌ن، به‌ڵام به‌ دوو مه‌رج : یه‌که‌میان، هێزی سه‌ربازی حکومه‌ت له‌ ناو شار بکشێته‌وه‌. دووهه‌م، نه‌ته‌وه‌یه‌کگرتووه‌کان بکه‌وه‌ێته‌ نێوانیانه‌وه‌، ئه‌گینا ده‌بێت سه‌رۆکشالیار ده‌ست له‌کار بکێشێته‌وه‌.

دوێنی شه‌و حکومه‌تی تایلاند ماوه‌ی تاکو کاتژێر 3 ی ئه‌مڕۆ 17.05.2010 به‌ کاتی Bangkok به‌ کراسسوران داوه‌، که‌ بڵاوه‌ی لێبکه‌ن و خۆیان بده‌نه‌ ده‌ستی ده‌وڵه‌ت، ئه‌گینا هێڕشیان ده‌کرێته‌ سه‌ریان و ده‌یانگرن. ئه‌گه‌رچی به‌سه‌ر کاتی دیاریکراودا تێپه‌ڕیوه، به‌ڵام‌ جارێ تائێستا هێڕش له‌لایه‌ن ده‌وڵه‌ته‌وه‌ ده‌ستی پێنه‌کردووه‌ ، له‌هه‌مان کاتیشدا کراسسوران ده‌ڵێن ئێمه‌ له‌بری چۆڵکردن و خۆبه‌ده‌سته‌وه‌دان، مردن هه‌ڵده‌بژێرین.

هه‌ر وه‌ك بڕیار بوو به‌ڕێوه‌به‌رایه‌تی هێڵی ئاسمانی بریتانی نه‌یقابه‌ و کرێکارانی کێشایه‌ دادگه‌، ئه‌مڕۆ17.05.201 دادگه‌ش بڕیاری دا، له‌به‌رئه‌وه‌ی که‌ نه‌قابه‌ به‌ڕێکوپێکی دوای هه‌نگاوه‌کانی هه‌ڵبژاردن نه‌که‌وتووه‌، هه‌ر له‌به‌ر ئه‌وه‌ مانگرتنی کرێکاران یاسایی نییه‌ و ده‌بێت مانگرتنه‌که‌ نه‌که‌ن، ئه‌مه‌ش واته‌ کرێکاران به‌یانی 18.05.2010 ده‌بێت بگه‌ڕێنه‌وه‌ سه‌ر کار. به‌ڵام نه‌قابه‌ش بڕیاری داوه‌ که‌ به‌یانی 18.05.2010 دژی ئه‌و بڕیاره‌ی به‌ڕێوه‌به‌رایه‌تی داوای پێداچوونه‌وه‌ بکات، هه‌رچه‌نده‌ ڕه‌نگه‌ نه‌یباته‌وه‌، هه‌ر بۆیه‌ به‌یانی زیاتر ئه‌و پرسه‌ ڕوون ده‌بێته‌وه‌، که‌ کرێکاران له‌سه‌ر کار به‌رده‌وام ده‌بن یان ده‌ست به‌ مانگرتن ده‌که‌ن.

له‌ولاشه‌وه‌ نه‌قابه‌ و به‌ڕێوه‌به‌رایه‌تی به‌ ئاماده‌بوونی شالیاری نوێی هاتوچۆ و ڕێگه‌وبان و سه‌رۆکی نه‌قابه‌ی گشتی له‌ بریتانیا له‌سه‌ر لێدوان و مشتومڕ به‌رده‌وامن تاکو بگه‌نه‌ سه‌رئه‌نجامێك.

بەرنامەی خۆئامادەکردنی مانگرتنەکان لەسەر ئاستی سەرتاسەری لە کەرتی تایبەت و گشتیدا بۆ زیادکردنی کرێیکار و دیاریکردنی لایەنی کەمی کرێ.

یەکێتی گشتی کرێکارانی یەمەن GLU داوای لە گشتی ئەندامان و لایەنگرانی کردووە، کە لە ڕۆژی شەممە ١٥ی ئایارەوە دەست بە مانگرتنی گشتی بکەن. پاش ئەوەی کە سەرۆکشالیاران عەلی مەجور وەڵامی بەداوای یەکێتییەکان نەدایەوە،یەکێتی گشتی کرێکارانی یەمەن (GLU) بانگەوازی بۆ مانگرتنی کرد. سەرۆکی GLU موحەمەد ئەلجادری دەڵێت، ئەمە لە بەرامبەر بێسەرەنجامی کۆبوونەوەیەکی پێشووتری GLU و میریی بۆ پێکهێنانی لێژنەیەك بۆ چارەسەری داواکارییەکانی یەکێتییەکان دێت. پاش بەرزبوونەوەی لە ڕادەبەدەری نرخەکان و گرانی گوزەران، کە هاووڵاتیانی یەمەنی لە دوو ساڵی ڕابوردوودا بەدەستییەوە دەنالێنن، GLU داوای زیادکردنی کرێ و موچە و دیاریکردنی لایەنی کەمی کرێ کە کەمتر لە ٣٠٠ دۆلار نەبێت کرد، هەروەها داننانی خاوەنکاران بە مافەکانی کرێکارانی بەشی خاوێنکردنەوە. مانگرتنەکە بێجگە لە خزمەتگوزارییەکانی فریاگوزاری تەندروستی و دابینکردنی ئاو و کارەبا و بورجەکانی چاودێریی ئاسمانی، هەموو بەشەکانی کەرتی تایبەتی و کەرتی گشتی دەگرێتەوە. Continue reading مانگرتنی گشتی لە یەمەن دژ بە بەرزبوونەوەی نرخەکان →

چالاکی ئەنارکیستانی دژە ئەتۆم لە دەرسیم/ تورکییە

http://www.dailymotion.com/video/xd2yjh_karadeniz-ysyanda_lifestyle

بەو هیوایەی ئازادیخوازانی کوردستانیش ئاوڕێك لە ئاژەڵان بدەنەوە و لە لێدان و کوشتن و تیاچوون ڕزگاریان بکەن

دەکرێت ئەمانە هەندێك لە دروشمەکانمان بن

سەگ گڵاو نییە، زۆر لەو باوك و برایانە بە وەفا و سۆزترە کە دەستیان دەچێتە کوشتنی کیژۆڵە و خوشك و هاوسەرەکانیان

بەڕاز پیس نییە، بەڵکو زۆر لەو فتوادەرانە بەسوودترە کە تیرۆر و شەلاق و بەردبارانیان هێنایە کوردستان

دەستی کەس بە کوشتنی بەراز سەوز نابێت، بەڵکو ناهاوسەنگی لە ژینگەی سەوزی کوردستاندا دروست دەکات

کاتی ئەوە هاتووە کە پارێزەرانی مافی ئاژەل فشار بخەنە سەر دەسەڵات، تاوەکو باخچەی سروشتی کراوە بۆ  سەگ و گوێدرەکان لە مردن ڕزگار بکرێن

پاراستنی ژینگە بەبێ پاراستنی بوونەوەرەکانی هەوڵێکی پوچە و پارادۆکسە

پاراستنی ژینگە، پاراستن و ئازادکردنی ئاژەڵان ئەرکی سۆشیالیستە ئازادیخوازەکان (ئەنارکیستەکان)ە نەك کار و فەرمانی ڕیفۆرمیست و پارتە ڕامیارییەکان

http://www.dailymotion.com/video/xd9w2q_animal-liberation-direct-action_animals

http://www.dailymotion.com/video/x366ka_time-for-action-1-anti-vivisection