hejên
serincdandnêkî rexneyî le pertûkokey “nîgayek le êsta û xewnêk bo sbey”î merîwan wirya, aras fetah, bextyar ‘elî, rêbîn herdî
beşî şeşem
parastnî ew wêne exlaqîyeye kurdwek mîletêkî xebatker bo azadîyû dadperwerîyû mafî yeksanû dîmukrasyet nîşandedat L.13
nûseran be enqest wênekan têkell deken, emeş bo yekîkirdnî nasîwnalîzm wek aydyolocyay dewlletî serapagîrî borcwazî û xwastî serbexoyî neteweyek le dagîrger û împiryalîzme. eme peleqajêye wek berencamî kallbûnewey wêne dorînekanî berjewendî balla û hawbeşî çîn û twêjekanî neteweye le sayey serwerî borcwazîda.
êstaş takî bêdesellatî kurd, allmanî, emerîkî, ‘ereb û … tid xewn be azadî û dadperwerî û mafî yeksan û dêmokrasî rastewxowe debînêt, bellam le hîç serdemêkda desellatdaran hellgrî em xwast û amancane nebûn û naşbin, îtir ew deselatdarane çi komellêk çete û rêgir bin ya komellêk fîlosof û zana û nûser!
ledestdanî em wêneye yekêke le kolleke sitratîjîyekanî parastnî bûnû manewey mîlletî ême L13- 14
ew wêne têkellkrawey xewn û xebatî xellkî kurd letek xewn û helperistî desellatixwazanî bzavî nasîwnalîstî kurd, hîç kat yekêk nîye le kolleke sitratîjîyekanî parastnî bûn û manewey netewe. eme dahênrawî fîlosofandnî pagende partî (hizbî)yekane. sedan kemenetewe hen, ke hîç kat çansî dewlletbûnyan bo hellnekewtuwe, keçî mawnetewe û deşmênnewe; lewane blucekan, tamîlekan, ke wek kurd beser wlatanî dewruberda dabeşênrawn û hemû ştêkîşyan yasaxe û ew çanse kultûrîyaney ke kurd heybûn, ewan neyanbûn û le êstaşda ew çanseyan nîye. îtir nazanim em tîorîstaney axirzeman, aydyay em têrrwanîneyan lekwêwe hênawe? eme bêcge le xtûkedanî nahuşyarî takî gêrodey demargîrîy nasîwnalîstî, hîçî dîke nîye.
mîlletî ême natwanêt sîsteme syasîyekey leser şêwey ew sîstmane drustibkat ke le nawçekeda hen, L14
dîsanewe nûseran dekewnewe bînînî fîlexewn be frrînewe, ewan ewe perdepoş deken, eger nasîwnalîzmî ‘ereb, turk, fars le barudoxêkî cyawaz lewey êsta ew çanseyan bo hatbête pêş, ta dewlletêkî ya serwerî ramyarîy tarradeyek piştestûr be abûrî nîmçe serbexoy pêkbhênin, ewa le ewroda paş 80 sall ewanîş wek serwerî paşakanî herêmî kurdistan, naçarn bepêy bendekanî prrogramî sinduqî dirway nêwdewlletî û bankî cîhanî û serleşkrîy emerîka û polîsî (îw ên) dergey heremî desellatî benaw neteweyyan bo çekme asnînekanî bazarazadî nîolîbralîzm bxene ser pişt. seyre çawerrwanît le taqmêkî drustikrawî destî ew nawendaney serewe hebêt, bên û pêçewaney reۊşebay sîsteme cîhanîyeke le deryalûşî gendellîda sewll lêden û şorrşî axirzeman berpa bken û bibne pallewanî efsanekanî em çwar nûsere. ba away dabnêyn, ke ewan leber xatrî xwênî aryayyan û xizmayetîyan letek serwere cîhanîye çawşînekan bwaryan dedrêtê, abûrî serbexo û modêlî taybet û sîstemî kargêrrîy darrîjrawî em nûserane, ke le baştrîn barda lewey hollende û danîmark û allman le pêştir nabêt, ke em nûserane xewnî pêwedebînin, dabmezrênin. ey çî le lîstî gendellî û karxanekanî çeksazî û desttêwerdan le serbexoy wllatanîdeken, ke deselatî dêmokratîy ew wllate xewnîyaney nûseran, encamîyan deden? dekrêt pêman bllên, çon mafî mrov û mamelley çekifroştnekan teba deken? to bllêyt laqperrîn be mîn û têror be çeke otumatîkekan û bombaran be rokête jîrekan, pêşkewtin bin le mafî mrovda? dekrêt pêman bllên, cyawazbûn le sîstemekanî dewruber, çon dekrêt û çon debêt û leser çi zemîneyekî ketwarî meyser debêt û xoy radegrêt?
min natwanim emane be xeyallîş biçwênim, çunke xeyall detwanêt mamanî ketwar bêt, bellam detwanim le rîzî xewinbînîn û efsaneda rîzîyan bkem!
hemû kopîkirdnû lasayîkirdneweyekî ew sîstmane, ew jêrxane exlaqîwuyijdanîû me’newîye wêrandekat ke mafî bûnî syasî serbexo be mîlletî ême debexşêt L14
nûseran laq le efsanewêjî radekîşn û morrall û wîjdan û şte me’newîyekan dekene jêrxanî serbexoyî ramyarî neteweyek. a emeye têkellkirdnî tepalle û tîorî! axir le kwêy mêjûda le kwêy dunyada û le kame sîstemda çi dîktatorî, çi paşayetî, çi komarî û çi parlemanî û çi le soşyalîzmekey lênîn û mawtsî tong û (çawşîsko)şda rûydawe, ke morrall û wîjdan û şte me’newîyekan jêrxanî serbexoyî ramyarî neteweyek bin? ewe kame awez pesendî dekat? le heştakanî sedey raburdûda le her (p.m)êkî bedbexttî (korrek) bpirsyaye; serbexoyî ramyarî pabendî çîye, demudest deyut “abûrî kollekey şorrş û serbexoyye”. min çîtir be nûseranî nîolîbrralîzmî kurd bêjm?
le kwêda syasetkirdin le kurdistan le syasetkirdin lebeşekanî trî nawçeke çû, lewêdametirsî tenyakewtnî syasîû nemanî dostî rasteqînew nemanî mitmaney dunyaw mîlletî kurd xoşî be syasîyekanî dêtekayewe. L14
min awa lem destewajane têdegem, hîwadarm eger be helleda çûbim, xwêneranî hêja bom rast bkenewe; ” lekwêda berjewendî desellatdaranî kurdistan letek komarî îslamî êran û rjêmî partî be’sî ‘erebî soşyalîstî, yekangîrbû, ewa lewêda driz dekewête nêwan seranî kurd û doste rasteqînekanyan, wate îsraîl û emerîka û ewrupa”!
ewey ke hîç yek lew dû bereye dostî nek tenya kurd, bellku ew netewaneş nîn, ke benêwyanewe serwerî deken, hîç gumanim nîye, herwaş hîç gumanim lewe nîye, ke împiryalîzmî emerîka dostî bra gewrey borcwazî kurde û komarî îslamî êran û rjêmî surye û turkye û eger sedam û be’sîyekanîş bgerrênewe ser textî serwerî, be heman rade dostî borcwazî kurdin, herweku bûn. eger serincî hawberjewendîy bzavî nasîwnalîstî wek pêşenganî deselatdarî borcwazî kurd le raburdûda letek rjêmekanî êran û turkye û surye û ‘îraq û çawpoşî ewrokeyan le topbaran û kuştubrrî her rojey xellkî snûrinşînanî kurdistan lelayen topxane û frokekanî rjêmî êran û turkyewe bdeyn, hawneteweyî û dostayetî rasteqîney borcwazîman bo derdekewêt. mêjûş ewey nîşanda û leamîzgirtin û maçekanî seranî borcwazî kurd le gonay sedamî paş enfal û kîmyabaranî hellebce, pêke şerabekey îmam xumeynî paş cengî 8 salley beserda sepaw û agirbestî napilyonî sêyem û prusekan bo serkutî komune nmûney zîndûn le mêjûda, ke le demî drustbûnî dewllete neteweyyekanewe ta emrro, bellgey hawberjewendîyetî giştî borcwazî wek çînêkî cîhanî bênetewe, dexene berdestman.
eger xwêner serincî ristekanî dwatrî nûseran bdat, debînêt û sed care debnewe, ke nûseran larîyan le çewsandnewe û koylebûnî takî kurd bo serwerî borcwazî lejîr perdey berijwendî neteweyî û giştîda nîye û tenya xemêk ke heyane, eweye neka mesrur û qubad wek kurekanî hafîz esed surye û huseyn paşay urdin, cêgey bawanyan bgirnewe! ba way dabnêyn lebrî tallebanî û barzanî ya her pledarêkî trî mîrî, em çwar nûsere bin û be norey galltecarîyekî dêmokratî nwênerayetî çwar sall carêk bgorrdrên, dekrêt bzanîn eme çî le koyletî takî kurd degorrêt ya çî le nawerrokî çewsênerane û djemroyyaney serwerî degorrêt?
wênekanî em meseleye le yadawerî xellkû dunyada xerîke betewawî kurtdebêtewe bo wêney qewareyek têyda syasetû abûrî be çeşnêkî mafyayî têkell yekdî bûn. rêgay bo pêşêlkirdnêkî berifrawanî mafû yasa kirdotewe. L14
nûseran xoyan le derkî ew rastîye ladeden, ya derkî naken, ke kotayî hemû hewll û koşşêk lejêr aydyolocyay nasîwnalîstîda, serî le desellatêkî mafyayyewe derdeçêt, rûdawekanî dû sedey raburdû eweman nîşandeden û le baştrîn barda qesabxanekanî stalîn û hîtler û polpot û sedam û .. tid be dyarî dehênin. herçende min gumanim le egerî yekem heye!
yasa, cadûyek ke berdewam serweran û îdologekanyan takî bedbext û nahuşyarî pê xoşbawerr deken û wehay lêdeken, ke tak le dunyay efsanekanda boy bgerrêt. lêreda cêy xoyetî le nûseran bpirsîn; ew yasaye, ke pêyanwaye le kurdistanda pêşêlldekrêt, kameye? meger her bepêy ew yasaye nîye, ke demî nûseran dedûrin û rojnamenûsan têror deken û birryarî eşkence û lesêdaredanî deyan kes deden? îtir kame bend û kame peregraf û kame rûnkirdnewey pêşêllkrawe? ba leber xatrî nûseran wehay dabnêyn, ke le kurdistan yasa serwer nîye, xo le brîtanya serwere, dekrêt pêman bllên, bo takêkî bêdesellat bepêy yasa leser nebrrînî tîkt ya frrandnî xwardemenîyek ya dzînî şûşeyek mey dergey zîndanekanî bo dexrêne serpişt û her le sayey heman yasada komellêk şalyar û serokkomar leser dzînî milyon milyon pawend le gull kalltiryan pênewtra? meger eme ew yasaye nîye, ke detanewêt lêman bken be dwaamanc û mercî bextewerî mrovayetî? nûseran û zorêkî dîke pêwîste ewe bo xwêner yeklayî bkenewe, le kurdistan yasa nîye ya heye û pêşêl dekrêt?
eger dellên nîye, dey ba bfermûn û bebê mollet û pirsî desellat û leberçawgirtnî birryarekanî çalakîyekî hunerî, roşinbîrîy, ramyarîy, komelayetî encam bden, aya detwanin? bêguman na û nexêr. kewate heye û serwerîşe! eger dellên heye û pêşêl dekrêt, kewate dan be bûn û serwerbûnî yasayekda denên, ke hîç rexneyan lêy nîye û tenya gleyyan le pêşêlkirdnî heye. lem bareda detwanin taqe xall û bendêk lew yasayey ke le kurdistan serwere, bhênnewe, ke letek maf û xwast û wîst û xewnî mrovî azadîwazda tebabêt û pêşêlkrabêt?
lerrastîda sîstmî syasî le kurdistanda taqe sîstmêke lenawçekeda ke bebê opozsyon dejî. tenanet ezmûne syasîye totalîtarîû nîmçe totalîtarîyekanî nawçeke opozsyonyan heye, layenî kem opozsyonêkî rawinraw boderewey wlatekanyan, keçî ezmûnî kurdîy ezmûnêkî bêopozsyone. L14- 15
nûseran pirsyar û nîşaney sersurman leser nebûnî opozsyon bo deselatî kurdî deken û dadenên. hellbete ewan mebestîyan le opozsyonî xellkifrîwderî nêwparlemane, egîna desellatî borcwazî kurd pêş ewey desteçekdarekanî lew dîw snûrekanewe awdîw bnewe, le layen kesanî soşyalîst û azadîxwazewe djayetîyan krawe. wellamî ew pirsyar û sersurmane nabecêye, ke lelay ewan buwete metell, gelêk asane. ewîş eweye ke bepêy nerrewînewey xermanekanî pîrozî xewne droyne neteweyyekan û temenkurtî desellatî borcwazî kurd, hêştake bawî xellk benokerkirdin û sîxurnasandin mawe û hêşta lenêw xellkî nahuşyarda kirryarî ew kalla rzîwaney desellat peyda debin. herweha le eşkencederêkî naw zîndanekanewe bigre ta endamparleman û nûsere firyadrresekanyan, destewajekanyan be wajegelî wek azadî, rizgarî û serbestî kotayî pêdehênin û xoyan fermanrrewa û xoyan opozsyonin, xoyan polîs û xoyan diz, xoyan mafpêşêlger û her bexoşyan mafperwer, nek her eme, bellku watay wajekanîş şêwênrawe û rawêjkaranî desellatdaranîş ew çemkaneyan şêwanduwe.
lewlaşewe bûnî opozsyonî parlemanî, le katêkda debête pêwîstî ke bzave komellayetîyekan şeqamekan dekene meydanî berizkirdnewe û sepandnî daxwazîyekan. a lêreweye, ke bûnî opozsyon bo desellat debête pêdawîstîyekî jyanî û xoy naçar be drustkirdnî debêt, taweku korrî serşeqamekan çoll bkat û byankate dengder û paşrrewî manîfêste xelletînerekanî opozsyonekey. eme ew yarîyeye, ke deyan salle bigre le sed sallîş zyatre le emerîka û ewrupada bazarî galltecarîyekanî parlemanî pê germ radegîrêt û her çwar sall carêk kllawî cadûgeraney partêkî ramkar denrête ser dengderan. bewcore dengderan le çawerrwanî û xoşbawerrî û naderbestîda radegrin û opozsyonîş bepêy hellçûn û daçûnî şeqamekan rêjey kursîyekanî zyad û kem deken, her bew rîjeyeş serwerî çînayetî le metirsî û fewtan qutar deken. ewe her ew pêdawîstîyeye, ke celadan û gendellkaranî dwênê dekate opozsyonî emrro û her ew pêdawîstîyeye, ke nûseran dekate nûserewey manîfêstî weha opozsyonêk, ta swarî şepolekanî narrezayetî 18 salley takî bindest û çewsawey kurd le dest serwerî borcwazî, becorêkî û le dergeyekî trewe bkate dengî ser kartêkî dengdan û serokkomarîy talebanî pê msoger bikrêtewe! herwek çon le êranda ayetulllla bûne opozsyonî ayetulllla, herwa le kurdistanîşda celalî buwe opozsyonî celalî û nûseranîş bûne tîorsyonî axirzemanî ew opozsyone frîwderaneye!
neytwanîwe wabkat grupe etnîû dînîyekanî naw naweçe dabirrwawekan le kurdistan bewîstî xoyan dawabken byanxene ser herêmî kurdistan, L15
ez le nûseran deprism; grupe etnî û ayînîyekanî nawçe dabrrawekan, çon be xwastî xoyan daway ştî wa deken, ta byanxene ser herêmî kurdistan, ke tîorîsyonekanî opozsyonekey tenya qse le dakokîkirdin le mafe mroyyekanî mrovî kurd bken, wek ewey ke kurdistan tenya kurdî têda bjît, ya ewey herêmî kurdistan lelayen nakurdewe fermanrrewayî bikrêt! ya eweta ewanî trî nakurd şayanî yeksanî lew mafe mroyyeda nîyn, ke nûseran tenya bo kurdanî dexwazn?
eger birryar bêt takî ew kemenetewe û ayînyane le pledûy desellatî nawendîy borcwazîyewe bibne pledûy desellatî borcwazî herêmî, aya ew şwêngorrkê milkeçaneye hîç le maf û rêwişwênî abûrîy û ramyarîy û komellayetîyan degorrêt?
be birway min tenya yek şit detwanêt wa lew kemenetewe û kemayetîye ayînyane bkat be xwastî xoyan daway çûne snûrî herêmî kurdistan bken, eger bêtû le herêmî kurdistanda mafî xoberrêweberayetî û parastnî kellçer û xwêndin be zmanî daykyan bo desteber krabêt! em pêşmerceş nek le arada nîye, bellku tenanet axêweranî dyalêktekanî trî kurdî û kemîne ayînyekanî trî naw kurd û herêmî kurdistan mafî xwêndnî zmanî dayk û peyrewî ayîn û kelçerî xoyan dabîn nekrawe û destebjêrî roşinbîranî kurd lew herêmeda daway sepandnî dyalêktêk beser dyalêktekanî dî û desellatîş ayînî îslamî beser ayînekanî dîda sepanduwe û hellgranî ayînekanî dî lewane kakeyyekan, kellçerîyan deşwêwinrêt û sûkayetî pêdekrêt!
nûseran nek bawerryan be mafî ew kemînane nîye û amadeş nîn kar bo desteberkirdnî mafekanyan bken, tenanet lew ristaneşda ke bo frîwdanyan rîzkrawn, wek kemîney neteweyî û ayînî nayannasn, bellku be grup nawyan deben, le katêkda ke aşkraye (grup) bo deste ya kesanêkî rêkixrawî ramyarîy û abûrîy û hunerî û … tid bekar debrêt û le beramberda pêkhate neteweyî û ayînye giçkekan be keme ya kemîney neteweyî û ayînî nêwdebrên.
syasetî be hîzbîkirdnêkî perrgîrî hemû cîhazî îdarîû hemû rehendekanî trî jyanî komellayetîû abûrîû syasî lew nawçaneda, hemû ew grupû layenaney toqandwe ke wek kemenetewew grupî etnîû dînî temaşay desellatî kurdî deken. L15
çon kemînekan sill nekenewe, ke mîdyay kurdî betaybet beşe benêw serbexo (nnek azad[3])key prre le le handanî demargîrî neteweyî beramber ‘erebe awarekan? aya berrêzanî tîorsyonî mafî mrof û azadî takî kurd, amaden awa le beramber nûsînekanî( şwan ehmed)da manyan le nûsîn bo ew rojnamane girt, herwaş le beramber wte û hewall û babetî rojname stûnderekanyan, man le nûsîn wek bergirtin lew sûkayetîyey ke be ‘erebe hanabirduwekanî slêmanî paytextî roşinbîrî û djayetî bîrî nîonazîzm le kurdistanda bken?
paşan min lem destewajeye tênagem “hemû ew grupû layenaney toqandwe ke wek kemenetewew grupî etnîû dînî temaşay desellatî kurdî deken”kê grupî etnî û ayînîye û kê bew core temaşay kê dekat?
bbête mlimlanê lenêwan dû modêlî cyawazî hukimranîda. yekêkyan krawew dîmukratû şefafû nagendellû rêzgir le însanû le îradew sudu qazancî giştîy, ewîtiryan pêçewaney eme. l16
dîsanewe nûseran hana bo xewbînîn be frrînewe deben û dîsanewe dest be efsanewêjî û cuynewe deken. axir çon herêmî kurdistan wek beşêk le sîstemêkî sepênrawî destî emerîka beser ‘îraqî dagîrkrawda, detwanêt pêçewaney nawend û sîstemî dayk hengaw bhawêt? eme destkarîkirdnî cînekanî borcwazîye bepêy abûrînasîy nûseran, eme şêwandnî awez û bîrî xellke, çunke nek tenya herêmî kurdistan natwanêt pêçewaney yasay bnerretî dewlletî ‘îraq bcûllêtewe, bellku dewlletî nawendîy ‘îraqîş natwanêt le derewey rêkewtinnamekanî sindûqî drawî nêwdewlletî û bankî cîhanî û kumpanîye serûnetewekan, hîç hengawêkî abûrîy û ramyarîy bhawêt, eme yasay pajne asnînekanî sîstemî sermayedarîye û kurdistan têyda tenya kan û bîrêkî kerestey xawe û bes, îtir nazanim em tîosîyaney axir zeman bekame locîk, dawa le pasewananî ew kan û bîrane deken, ta serpêçî le yasayek bken, ke ew nawendaney nêwm hênan, hezaran milyard dolarîyan bo sepandnî beser ‘îraqîyekanda xerc kirduwe û deyan hezar serbaz û sedan torr û deyan dezgey benaw çakexwazî sîxurîyan narduwete nawçekewe ta berjewendîyekanyan dabîn bken.
eger leweş bguzerêyn, dekrêt nûseran wellamî em pirsyare lasaraney êmey “mêgel” bdenewe; weha sîstemêkî krawe û dêmokrat û rûn û nagendell û rêzgir le mafî mrov, le wîst û sûdî giştî, ke nûseran pagendey bûnî le sayey sîstemî mîlîtarîstyaney nîolîbralîzmî sermayedarîda deken, le kam dûrgey (waq waq) heye, taku borcwazî tînû be sûd û xwênî kurd lasayî bkatewe û le nawçekeda nwênerayetî bkat?!
çunke bebê berizkirdnewey meseley kurd bo ew aste exllaqîû wîjdanîye, egerî tenhakewtnî mîlletî ême egerêkî zînduwew mêjûy sedey bîstemîş nîşanîdayn tenyakewtnî mîlletû grupe etnîye bêdesellatû lawazekanû cînosayd çend leyektrîyewe nzîkin l16
nûseran le rêgey têkellkirdnî xwastî rizgarî neteweyî letek xwastî borcwazî bo dewllet, wêne û demamk têkell deken, lew dunyayeda, ke nûseran xewnî pêwe debînin, nawend û kompanya cîhanlûşekan le pişt demamke neteweyî û dêmokrasî û parlemanîyekanda fermanrrewayî deken!
bêguman eger gundêk, şarêk, çînêk, neteweyek û wllatêk çarenûsî xoy bdate dest part û dewllet, hîç kat metirsî cenge nawxoyî û derekîyekan û qirrkirdnî jêrdestan dûr nabêt. bo emeş ezmûnekanî mêjû nêşanyandawîn, ke bêcge le amadeyî û yekgirtnî ew qewarane, hîç lemperêk natwanêt ber be çawçnokî û şerrengêzî û djemroyî part û dewlletekan bigrêt, her boye le doşdaman û destemoyî ew qewaraneda bo partekan û dewllet, cînosayd debête wêstgey dahatûy rûdawekan!
bew arastey ke nûseran karî leser deken, nek metirsî û egerî kuştubirr û cengekan dûr nakewêtewe, bellku paş ew pêgeyiştneş, her demênêt. bo nmûne dewlletî turkye, ke pêşîneyekî împratorîşî heye û newed sallîşe heye, keçî herdem egerî şerrî letek yonan heye û bexoyşî berdewam pasaw bo cînosaydekanî dehênêtewe û karyan leser dekat. nek tenya deselatî ramyarîy partekan û dewlletî neteweyî hîç kat lemperî ceng û kuştar nîn, bellku bûnîşyan bo xoy hokarî ceng û kuştarekane û hemû şerrekanîş be drêjayî mêjûy komellgey çînayetî her le pênaw sepandin ya manewey desellatî çînayetîda bûn û taweku ew serwerîyeş bmênêt, egerî kuştubirr û cînosayd û serkut berdewam sêber beser bextewerî mrovda dekat.
bellku bewedebêt lenawewe kar bo gorranî ew sîstme bikrêtû ew şwênaney rexnekrawn dabrrêjrênewew çakbikrênewew bgorrdrên. L17
bedbextî nûseran û nacêgîrî hzir û aydyayan eweyan le bîr debatewe, ke ewan pêştir daway pişkdarbûnî mrovpakanî wek xoyan û dwatrîş opozsyon bo gorankarî deken, keçî le kotayî heman beşda, amojgarî desellatdaran deken, ta le brî leşkrî sîxur û bekrêgîraw û dezgey panuporrî drodelese, le nawewe perrupîney sîstemeke bken û erkeke bexoyan (wate be gendellkaran) despêrnewe. dey xwêneranî hêja wern, ba êmeş dawa le be’sîyekan û axundekan û kemalîstekan û bra be’sîyekanî surye (tallebanî wtenî) bkeyn, gundekan awedan bkenewe, enfalekan bgêrrnewe û hellebce û horaman û balîsan û serdeşt le kîmyayî pakij bkenewe, çunke be pêwerî nûseran, baştrîn westa û endazyar her xudî tawanbaran û gendellkaranin!
perawêz:
[3] paşkokirdnî wajey” azad” bo mîdyayek, ke gwaye paşkoy desellat û partekan nîye, hewllêkî hellxelletêneraneye, çunke mîdyay azad be watay mêdyay bêsansûr û derge awella bo hemuwan. bellam dekrêt wajey (serbexo) bekar bibrêt, herçende hîç kam lew mîdyayane serbexo nîn!