بۆچی به‌شداری ده‌نگدان و هه‌ڵبژاردنی نوێنه‌رانی پارله‌مانی ناکه‌ین؟

له‌به‌ر ئه‌وه‌ی که‌ له‌ ده‌ره‌وه‌ی پارله‌مان به‌ خۆمان ده‌توانین شته‌کان بگۆڕین!

هه‌ژێن

28.02.2010

ئه‌گه‌ر هه‌ڵبژاردنی خراپ له‌ خراپتر و ده‌نگدانمان شتێکی بگۆڕیایه‌، ڕامیارکاران نه‌ك لێمان نه‌ده‌پاڕانه‌وه‌، به‌ڵکو ده‌نگدانیشیان قه‌ده‌خه‌ ده‌کرد. هه‌رچه‌نده‌ ده‌نگنه‌دان و هه‌ڵنه‌بژاردنی خراپ له‌ خراپتر، له‌ پاشڕه‌وی و خۆشباوه‌ڕیمان به‌م یا ئه‌و لیست و که‌سایه‌تی ڕیفۆرمخواز یا ده‌سه‌لاتخواز، زۆر باشتره‌، به‌ڵام تا کاتێك که‌ خۆمان له‌ ڕێکخراوه‌ جه‌ماوه‌رییه‌ سه‌ربه‌خۆکانی خۆماندا ڕێكنه‌خستبێت، ده‌نگنه‌دانیش شتێکی زۆر ناگۆرێت!

Continue reading بۆچی به‌شداری ده‌نگدان و هه‌ڵبژاردنی نوێنه‌رانی پارله‌مانی ناکه‌ین؟ →

j.2.1 بۆچی ئه‌نارکیسته‌کان بۆ گۆڕان به‌کاربردنی خه‌باتی ڕاسته‌وخۆ به ‌باشتر ده‌زانن؟

و. له‌ فه‌ره‌نسییه‌وه‌: سه‌لام عارف

به‌بێ ئاڵۆزکردن له‌به‌ر ئه‌وه‌ی کاریگه‌ره‌ ، کارایی هه‌یه‌ له‌سه‌ر ڕادیکالترکردنی پراکتیکی پشتبه‌خۆبه‌ستن بۆ خۆکارکردن بۆ خۆکارکردنیش دژی نه‌بوونی سه‌ربه‌خۆیی و په‌ڕاویزکردنی خه‌ڵکه‌ که‌ ده‌سه‌ڵاتی هه‌ره‌می سه‌پاندویه‌تی. وه‌ک موره‌ی بۆخین murry bokchin وتویه‌تی: ئه‌وه‌ی گرنگه‌ له‌ کاری ڕاسته‌وخۆدا ئه‌وه‌یه‌ جه‌ماوه‌ر به ‌ڕه‌فزکردنی ده‌سه‌ڵاتی ناوه‌ندیی بیرۆکراتی، توانای دیاریکردنی چاره‌نووسی خۆی ده‌گه‌ڕێنێته‌وه‌ بۆ خۆی، ئه‌وه‌ش ده‌بێته‌ هۆی ئه‌وه‌ تاکه‌کانیش كه‌سایه‌تیی خۆیان ده‌ست بخه‌نه‌وه‌ که‌ کۆمه‌ڵگه‌ی ئازاد و ئۆتۆ جه‌ستوێن و ئۆتۆ به‌ڕێوه‌بردن پێویستیه‌تی.[Toward an Ecological Society, p. 47]

Continue reading بۆچی ئه‌نارکیسته‌کان بۆ گۆڕان به‌کاربردنی کاری ڕاسته‌وخۆ به ‌باشتر ده‌زانن؟ →

<!– @page { margin: 2cm } P { margin-bottom: 0.21cm } –>

زاهیر باهیر

له‌نده‌ن، 28/02/2010

ڕامیاره‌كان، ئه‌وا‌نه‌ی كه‌ ساڵانێكی دوورودرێژه‌ له‌سه‌ر لاشه‌ی سه‌دان هه‌زار كه‌سانی بێتاوانی ئه‌م وڵاته‌ (عێراق) و ملوێنه‌های تری سته‌ملێكراو و به‌شخوراو و په‌ككه‌وته‌ی هه‌ر ئه‌م وڵاته‌ سه‌رمایه‌یه‌كی ڕامیارییان بۆ خۆیان پێكه‌وه‌ناوه‌ و له‌ پالیشیدا سه‌رمایه‌یه‌كی ئابووریی و كۆمه‌ڵایه‌تیشیان به‌ده‌ستهێناوه‌‌، جارێكی تریش به‌گه‌مه‌ ڕامیارییه‌كه‌یان بۆ هه‌مان مه‌به‌ست و خواستی پێشوویان، ده‌یانه‌وێت به‌ره‌و سندووقه‌كانی هه‌ڵبژاردن ڕامانبكێشنه‌وه‌، تاكو جارێكی دیكه‌ش سه‌روه‌رییان بسه‌پێنینه‌وه‌ و ملی پێبده‌ینه‌وه‌. ئه‌مه‌یه‌ مه‌رگه‌سات و تراژیدی ئه‌مڕۆیه‌ كه‌ مرۆڤی سه‌رده‌م تێیدا ده‌ژێت، مه‌رگه‌ساته‌كه‌ش هه‌ر له‌وه‌دا نییه‌ كه‌ ئه‌م ڕامیاركارانه‌ بۆ مه‌به‌ستی تایبه‌تی خۆیان به‌لێشاوێ پڕوپاگه‌نده‌وه‌، به‌ بوجه‌یه‌كی كراوه‌ و له‌بننه‌هاتووه‌وه‌، به‌ میدیایه‌كی گاڵته‌جاڕییانه‌وه‌ ئه‌م كاره‌ به‌ئه‌نجام ده‌گه‌یه‌نن، به‌ڵكو له‌وه‌دایه‌ كه‌ ئێمه‌ی به‌دبه‌خت و چاره‌ڕه‌شیش به‌پڕوپاگه‌نده‌كانیان و قسه‌خۆشییان باوه‌ڕ ده‌كه‌ین و به‌ده‌نگدانمان سه‌روه‌رێتییان واژۆ ده‌كه‌ین. له‌بری دادگاییكردنیان له‌ به‌رامبه‌ر ئه‌و وێرانكاریی و كوشتوبڕ و زۆر و سته‌مه‌ی كه‌ زیاتر له‌ نیوسه‌ده‌ به‌رامبه‌ر ئه‌م گه‌له‌ به‌گشتی و خه‌ڵكانی سته‌ملێكراو و به‌شخوراوی وڵاته‌كه‌ به‌تایبه‌تی، كردوویانه‌‌.

Continue reading گۆڕانی بنه‌ڕه‌تی له‌ ڕێگه‌ی هه‌ڵبژاردنه‌وه‌ ڕوونادات →

(J. 2 ) خه‌باتی ڕاستەخۆ چییه‌؟

و. له‌ فه‌ره‌نسییه‌وه‌: سه‌لام عارف

خه‌باتی ڕاسته‌وخۆ به‌بۆچوونی ڕۆدۆلڤ ڕۆکه‌ر Rudolf rocker ئه‌و ئامرازانه‌ن که‌ به‌ده‌ست کارگه‌ران و جه‌ماوه‌ره‌وه‌ن‌، دژی چه‌وسانه‌وه‌ی ئابووریی و ڕامیاریی، بۆ نموونه‌ هێرشی هزری، مانگرتنه‌کان، خۆدابڕین و په‌یوه‌ندی یه‌کلاکردنه‌وه‌، شکاندن و په‌کخستن**به ‌فۆرمی جیاواز جیاواز، پڕوپاگه‌نده‌ دژی میلیتاریزم به‌تایبه‌تی له‌ کاتی هه‌ستیار و مه‌ترسیداردا، ڕێکخستنی به‌رگریی چه‌کداریی جه‌ماوه‌ری بۆ پاراستنی ژیان و سه‌ربه‌ستی.[Anarcho-Syndicalism, p. 66]

Continue reading خه‌باتی ڕاستەخۆ چییه‌؟ →

ناوی نامیلکه‌یه‌که‌، که‌ پێشتر نووسه‌ر وه‌ك وتارێك له‌‌ نیویۆرك به‌ میژووی 06/11/1973 پێشكه‌شی كردوه

بۆ خوێندنه‌وه‌ی نامیلکه‌که‌، کلیکی ئه‌م به‌سته‌ره‌ی خواره‌وه‌ بکه‌ن:

http://issuu.com/sakurdistan/docs/marksizm_u_anarkizm?mode=a_p

خه‌باتی سه‌ربه‌خۆ

کۆمه‌ڵه‌ وتارێکه‌ له‌ نووسینی (ئێمیل پۆژێ)

وه‌رگێرانی له‌ فارسییه‌وه‌: هه‌ژێن

خه‌باتی سه‌ربه‌خۆ، شێوازی خه‌باتی ئه‌نارکۆ-سه‌ندیکالیزمه‌ له‌ خه‌باتی ڕۆژانه‌دا. کارایی و جیاوازی ئه‌م شیوازه‌ له‌ خه‌بات له‌ته‌ك شێواز و سوونه‌ته‌کانی تری ناو بزاڤی سۆشێالیستی ئه‌وه‌یه،‌ که‌ هیچ بوارێك بۆ پارتیبازی ڕامیاران و ئۆرۆستۆکراسی کرێکاری و بیروکراتی و  ڕێکخراوه‌یی و سکتاریزمی پارتیی ناهێڵێته‌وه‌.

بۆ خوێندنه‌وه‌ی بابه‌ته‌کان، تکایه‌ کلیکی ئه‌م لینکه‌ی خواره‌وه‌ بکه‌ن:

http://issuu.com/sakurdistan/docs/xebati_rastewxo?mode=a_p

زاهیر باهیر

له‌نده‌ن، 31.12.2009

گه‌ر چاوێك به‌ مێژوووی سه‌ده‌ی ڕابوردوودا به‌تایبه‌ت دوای جه‌نگی جیهانی دووهه‌م له‌ په‌نجاكانه‌وه‌ تاكو ئه‌م ده‌مه‌ی ئێستا بخشێنین، بزووتنه‌وه‌یه‌ك، پارتێك كه‌ ویستبێتی باری ژیانی خه‌ڵكه‌كه‌ی به‌و شێوه‌یه‌ی كه‌ بانگه‌شه‌ی بۆ كردووه‌ ، بگۆڕێت، نه‌یتوانیوه‌ و بگره‌ زۆربه‌شیان تێشكانێكی گه‌وره‌یان به‌سه‌ر گه‌له‌كه‌یان یا جه‌ماوه‌ره‌كه‌یاندا هێناوه‌. به‌ڕای من ئه‌مه‌ش بۆ به‌كارهێنانی هه‌مان ڕێباز و ئه‌زموون ده‌گه‌ڕیته‌وه‌، كه‌ وه‌كو شتێكی په‌خشكراو و بێ بیرلێكردنه‌وه‌ له‌سه‌ر ئاستی جیهانی باو بووه‌، به‌كار هاتووه‌. بڕوانه‌ بزووتنه‌وه‌ی به‌لشه‌ڤیکی، بزووتنه‌وه‌ و رێبازی گێڤارایانه‌ و ماویانه‌، بزووتنه‌وه‌ و هه‌وڵ و كۆششی پارته‌ لیبراڵه‌كانی جیهان به‌ ئه‌وروپاشه‌وه‌ كه‌ڕێگه‌ی هه‌ڵبژاردن و په‌ڕله‌مانتاریان گرتوته‌ به‌ر، هه‌تا له‌و گۆڕان و ڕیفۆرمانه‌ی كه‌ مه‌به‌ستیان بووه‌ بكرێت و له‌ ئه‌جه‌نده‌ی كه‌مپه‌ینی هه‌ڵبژاردنیاندا بووه،‌ شتێكی زۆر كه‌میان لێ جێبه‌جێ كراوه‌‌.

Continue reading باڕێباز و ئه‌زموونه‌ كۆنه‌كان بخه‌ینه‌ لاوه‌! →

مانگرتنی شۆڤێران و ئه‌ندازیارانی باسه‌کانی له‌ خۆرهه‌ڵاتی له‌نده‌ن

ئاماده‌کردنی: Submitted by Django on Nov 9 2009 19:13

ئه‌وڕۆ شۆڤێران و ئه‌ندازیاران له‌ خۆرهه‌ڵاتی له‌نده‌ن بۆ ماوه‌ی 24 کاتژێر ده‌ستیان له‌ کارکێشایه‌وه‌، که‌ بووه‌ هۆی وه‌ستانی 750 باس و په‌ککه‌وتن یا وه‌ستانی 58 هیڵی باس.

کۆمپانیای باسی خۆرهه‌ڵاتی له‌نده‌ن 2.600 کرێکاری هه‌یه‌، که‌ ته‌نیا 200 که‌سیان له‌ یه‌کێتیدا ئه‌ندام و ڕێکخراون. ده‌نگدان بۆ مانگرتن 84% بوو. شۆڤێران و ئه‌ندازیاران له‌ Barking, Bow, Leyton, Romford, Upton Park and West Ham bus garages له‌ مانگرتنه‌که‌دا به‌شداریان کرد.

وێرای پاگه‌نده‌ی سه‌رانی کۆمپانیاکه‌ که‌ ده‌ڵێین قه‌یرانه‌که‌ به‌ نه‌دانی موچه‌ی کارگه‌ره‌کانی ناچاری کردوون، کۆمپانیای باسه‌کانی خۆرهه‌ڵاتی له‌نده‌ن هی (Macquarie investment bank)ه‌ که‌ به‌ ئاشکرا دیاره‌ و چاوه‌ڕێ ده‌کرێت ئه‌مساڵ بڕی قازانجی سه‌رکه‌وێت و 10% له‌ ساڵی ڕابوردوو زیاتر بێت. هه‌روه‌ها ئه‌م بانکه‌ به‌ درێژایی قه‌یرانی ئێستا له‌ قازانجدا بووه‌.

بۆ زانیاری زیاتر، کلیکی ئه‌م لینکه‌ی خواره‌وه‌ بکه‌ن:

http://libcom.org/news/bus-strikes-east-london-09112009

نووسینی: Emile Pouget

و. له‌ فارسییه‌وه‌: هه‌ژێن

به‌شی هه‌شته‌م

ئارامگه‌ره‌ ناکه‌تواری (وهمی)یه‌کان

ڕاسته‌ که‌ نابێت ته‌نیا بۆ دامرکاندنه‌وه‌ی ئالۆش و چێژوه‌رگرتن پرناببردرێته‌ به‌ر توندوتیژی، به‌ڵام له‌و لایه‌نه‌وه‌ که‌ سوودوه‌رتن لێی له‌ کاتی پێویستدا، ملی پێ نه‌ده‌ین و بمانه‌وێت هه‌موو جه‌نگه‌که‌ به‌ به‌رده‌وامی به‌ هۆی به‌کاربردنی ئارامگه‌ره‌وه‌ و له‌ڕێگه‌ی پارله‌مان و ئامرازه‌ دێمۆکراتیکه‌کانی تره‌وه‌ به‌ره‌وپیش به‌رین، زۆر پڕمه‌ترسییه‌. نه‌خێر! هیچ سیستمێکی ده‌نگوه‌رتن یا ڕیفراندۆم یا پرۆسه‌یه‌کی تری له‌و جۆره‌ نییه‌، که‌ کلیلی ئاره‌زووه‌کانی جه‌ماوه‌ر له‌ ئاسمانه‌وه‌ داگرێت. بزووتنه‌وه‌ی شۆڕشگێڕانه‌ بێجگه‌ له‌ ملدان به‌ توندووتیژی هیچ ئه‌ڵته‌ناتیڤیکی تری نییه‌. وابه‌سته‌بوون به‌ خۆشباوه‌ڕیگه‌لی له‌م جۆره‌وه‌، ته‌نیا گه‌رانه‌وه‌ بۆ رابوردوو و دووباره‌کردنه‌وه‌ی هه‌ڵه‌ی پێشینان ده‌بێت، که‌ مژده‌ی به‌هه‌شتی ئه‌و دونیایان به‌ ڕه‌نجبه‌رانی ئه‌م دونیا و دووره‌په‌رێزان ده‌دا. گریمانه‌ی ڕزگاری ڕه‌نجبه‌رانی دووره‌په‌رێز یا به‌ڵینی سه‌رکه‌وتن له‌ڕێگه‌ی ڕیفراندۆمه‌وه‌، له‌ دیتنی که‌تواربینانه‌ی بارودۆخه‌که‌ ئاسانتره‌، به‌ڵام له‌ به‌رامبه‌ردا، تۆزقاڵێکیش که‌س له‌ ئازادی نزیك ناکاته‌وه‌.

Continue reading کار (خه‌بات)ی ڕاسته‌وخۆ (*Direct Action) →